Sentro di Operashon Marítimo di Wardakosta a risibí un yamada ayera nochi di un kapitan di boto na altura di Lac Baai na Boneiru, ku nesesidat di asistensia. Segun e kapitan, e boto a nabegá serka di kosta i a keda pega. Esaki a kousa un buraku den e boto ku konsekuensia ku awa a drenta. Inmediatamente a informá e Tim Marítimo Multi disiplinario di Boneiru tokante e situashon. Un helikòpter di Wardakosta a asistí e personanan di e boto i e avion di Wardakosta a obserba e situashon. A transportá e dos personanan seif na tera i a entrega nan na KPCN.
A reskatá dos persona na Lac Baai Boneiru
