Aruba TurismoFeatured

A.T.A. ta firma CAO nobo cu FTA

Ata Cao Fta 01

Esaki ta A.T.A. su di 3 CAO

Un di e rekisitonan vigente pa A.T.A. ora cu esaki a bira un entidad Sui Generis na aña 2011 tawata pa inicia e proceso pa yega na un acuerdo colectivo (CAO) cu empleadonan di A.T.A. Como parti di e proceso aki empleadonan a scoge pa ser representa pa medio di un sindicato. Por medio di un referendum a vota pa e sindicato cu lo representa empleadonan di A.T.A., unda cu STA a keda escogi. Cu STA a logra firma 2 CAO den transcurso di añanan. 

Despues di 10 aña, aña pasa a tuma luga un referendum unda empleadonan di A.T.A. a vota pa un sindicato nobo pa representa nan, den e caso aki FTA. Den luna di september 2022, reunionnan y dialogo a cuminsa cu sindicato pa asina ambos partido sa kico ta puntonan di importancia pa cu cada banda. 

E CAO nobo ta vigente di 2023 pa 2025. A tene cuenta cu e programa di compensacion cu ya ta vigente unda cu adelanto di salario ta mara na prestacion di un empleado (A.T.A. su “Performance Appraisal System”). Tambe a tene cuenta cu tasa di inflacion y con, banda di e programa di compensacion mara na prestacion, esaki por impacta miembronan di ekipo di A.T.A. 

Importante tabata tambe cu a reconoce programanan cu A.T.A. a introduci durante añanan. Incluyendo A.T.A. su “Flexible Working Arrangements”, su “Wellness Program” y su “Creative Room”, tur introduci na 2022. Asina ta sigui amplia e enfoke riba bienestar di nos miembronan di ekipo. Un aspecto cu despues di e pandemia a bira aun mas importante. 

A.T.A. ta conta cu miembronan di ekipo internacional tambe, kende ta labora pa medio di e oficinanan na Merca, Colombia y Hulanda. Hopi programa y beneficio ta similar, pero obviamente cada mercado ta diferencia considerando leynan y normanan cu ta diferencia for di esun di Aruba. 

A.T.A. ta orguyoso di por reconoce tur pa nan esfuerso y dedicacion pa medio di entre otro e programa di “You Anniversary”. 

Ambos partido a maneha e negociacionnan den forma rasonabel teniendo cuenta cu e situacion na Aruba, pero tambe e salud financiero di e organizacion, y mas cu claro bienestar y progreso di miembronan di equipo.

Gerencia di A.T.A. ta sumamente satisfecho con e reunionnan a bay y ta gradici Jose Figaroa- Presidente di FTA, Rudy Geerman- Vice Presidente di FTA, Ryan Giel- Director Departamento di Negociacion di FTA y Jonathan Boekhoudt- Shop Steward di A.T.A.

Ata Cao Fta 02Ata Cao FtaAta Cao Fta.01Ata Cao Fta

Related posts

Parlamentario Marisol Tromp: A investiga zona nan prome a bin parlamento pa cambia ley?

EA News Author

SETAR: Teleshop Seroe Blanco lo cera pa publico

EA News Author

Gobernador interino nobo pa Aruba entrante 1 di december 2021

EA News Author

Leave a Comment

Whatsapp Message