ADRA ta traha pa forma y duna tools necesario pa hobennan por sigui padilanti

ADRA ta den 130 pais rond mundo independiente di religion y politica. ADRA ta yuda tur hende asociando cu comunidad , organisacion y gobiernonan  unda cu ADRA su tarea ta pa yuda pa un miho calidad di bida riba Aruba.

ADRA no ta solamente na Aruba e ta rond mundo, na Aruba su vision ta pa logra cambionan cu ta duradero cu por keda midi y cu por keda documenta den bida di hende y den sociedad aki na Aruba. Un di e proyectonan cu ADRA ta haciendo pa basta tempo caba ta e proyecto di mayornan hoben.

ADRA a celebra un dia hopi special unda cu den 4 luna e mama hobennan a pasa den un trayectorio den klas y nan a termina nan proceso cu exito. E proyecto riba su mes ta un trayecto di informacion integral cu ta enfoca pa aumenta e sostenibilidad propio di e hobennan entre 16 pa 24 aña.

E grupo cu tabatin e aña aki tabata uno hopi  motiva  y hasta tabatin uno hoben di 30 aña. E areanan cu ta keda atendi ta confiansa propio , estima propio, educacion sexual, desaroyo emocional , comunicacion , derecho humano , responsabilidad y participacion social. Tur e areanan aki e hobennan awor por atende di nan mes y yuda otronan na momento cu nan caba nan  klas.

Ta yuda tur e hobennan pero alabes ta duna nan e capacidad y e amor pa yuda  un otro na momento cu un otro ta pasando den dificultad. Shanetzi Kock cu a sigui cu e hobinan den e proceso aki ta felicita tur e hobennan cu a termina nan proceso exitosamente y tambe tur esnan cu di un of otro manera a aporta pa yuda pa forma hobennan cu tin e conocimento pa atende tur situacion cu nan haya nan den dje den futuro.