FeaturedInternacional

Aktualisashon di e Proyekto di Monitoreo di Para di Karibe Hulandes

Bird Monitoring Credit Kai Wulf Scf

Aña pasá Dutch Caribbean Nature Alliance (DCNA) ofisialmente a lansa e proyekto ‘Monitoreo pa Konservashon di  Biodiversidat di Para na Karibe Hulandes’. E inisiativa akí ku Ministerio di Agrikultura, Naturalesa i Kalidat di Kuminda ta sostené, tin komo meta pa ekipá organisashonnan lokal di maneho di naturalesa na Aruba, Boneiru, Kòrsou, Saba, Sint Eustatius i Sint Maarten ku instrumento pa aktivamente monitoreá i protehá populashonnan di para di tera i nan alrededor. Despues di un promé aña eksitoso, tur e islanan ta preparando pa e próksimo kolekshonamentu di informashon den primavera.

E proyekto dinámiko akí, impulsá pa siensia, ta mas ku solamente kolekshonamentu di informashon. E ta fasilitá tambe análisis i interkambio di konosementu di tendensianan den informashon di populashon di para, di manera ku ta optené konosementu mas profundo den salú di medio ambiente di tur e seis islanan di Karibe Hulandes. E proyekto ku ta planiá pa e promé kuartal di 2028, ta hasi uso di entrenamentu mehorá, programanan di monitoreo standarisá i investigashon den vèlt pa proporshoná konosementu balioso pa loke ta trata salú di ekosistemanan lokal. Pa medio di evaluá e abundansia relativo, e komposishon di espesie i e kambionan den medio ambiente, e inisiativa ta ofresé un lèns úniko ku por evaluá salú en general di ekosistemanan kuné. Banda di esaki, para ku ta aktua komo aktornan klave den ekosistemanan insular, ta kontribuí na polinisashon i plamamentu di simia, i nan ta aksentuá importansia di áreanan protehá pa espesienan vulnerabel.

Konosementu optené aña pasá

Miéntras kada isla ta prepará su mes pa e próksimo kolekshonamentu di informashon di primavera, ta esensial pa pensa tokante algun konklushon intrigante for di e investigashonnan di aña pasá. Na Aruba i Boneiru den otoño nan a opservá ménos espesie kompará ku den primavera, i e espesienan tabata repartí den un forma mas uniforme den e supstrato di lava. Na Kòrsou den otoño nan a opservá mas espesie i e rikesa/uniformidat tabata un tiki mas tantu ku den e supstrato di lava. Durante e investigashonnan di otoño na Aruba, mas tantu biaha nan a opservá e Chuchubi Tropikal, e Mòfi, e Totolika i e Chibichibi (Barika Hel/Bachi Pretu), miéntras ku na Boneiru e Prikichi, e Tirano grandi, e Chuchubi Tropikal i e Trupial Venezolano tabata e paranan mas komun. E Para di Misa ta esun ku nan a opservá mas tantu biaha na Kòrsou, siguí pa e Chonchorogai (Wawuya/ Chinchirinchi), Chibichibi(Barika Hel/Bachi Pretu) i Chuchubi Tropikal. Den primavera i den otoño e abundansia relativo promedio di tur e espesienan ku nan a opservá tabata mas tantu den kalichi ku den e supstrato di lava na Aruba i Boneiru. Na Kòrsou esaki tabata e kaso tambe den primavera, pero no den otoño.

Meskos ku na Aruba i Boneiru, den primavera nan a registrá mas tantu espesie na Sint Eustatius i Sint Maarten, kaminda e espesienan tabata repartí mas uniforme den mondi seku. Ta posibel ku e espesienan mas raro ku ta biba den zonanan di transishon ta ‘agrupá’ den áreanan di mondi, kompará ku e espesienan mas general ku un plamamentu mas amplio. Na Saba den otoño nan a opservá mas espesie den mondi seku i den selva tropikal, pero ménos den e zona di transishon (entre áwaseru i mondi seku). Chibichibi (Barika Hel/Bachi Pretu) tabata un di e tòp kuater espesienan mas tantu opservá na tur e tres islanan, huntu ku Chuchubi Wowo Blanku (Palabrua), Lesser Antillean Bullfinch i Bloudùif (Palomba Pretu) (na Saba); Zenaida Dove, Chuchubi Wowo Blanku (Palabrua) i Antillean Crested Hummingbird (na Statia); i Mòfi, Lesser Antillean Bullfinch i wimpi (Chonchorogai) (na St. Maarten).

Esfuerso di e seis islanan

Gustosamente DCNA ke gradisí tur e islanan pa nan dedikashon pa hasi e promé aña di kolekshonamentu di informashon un éksito i Ministerio di Agrikultura, Naturalesa i Kalidat di Kuminda pa e finansiamentu. Despues di tempu e tendensianan di populashon lo hasi posibel pa e parkenan konsiderá si ta nesesario pa implementá strategianan (èkstra) di konservashon pa espesienan raro òf espesienan ku ta birando ménos. E proyekto akí ku ta dura sinku aña lo proporshoná konosementu krusial den e státùs di populashonnan di para di tera ku ta brui na tur e seis islanan di Karibe Hulandes i lo duna trahadónan di maneho instrumentonan pa por traha mihó plannan pa konservashon efektivo di espesienan lokal riba término largu. Entre luna di mart i aprel ta kolekshoná informashon di primavera na tur e seis islanan pa aña 2024, pues tene bo outoridatnan lokal di maneho di parke na bista pa e último informashonnan. Nan ta Aruba National Parks Foundation (FPNA)STINAPA BonaireCARMABI Curaçao Saba Conservation Foundation (SCF)Nature Foundation St. Maarten (NFSXM) i St. Eustatius National Parks (STENAPA).

Bananaquit Credit Filippo MilaniBird Survey Action Credit Stenapa

Related posts

Landspakket ta consisti di 8 area cu ta pasonan di reforma cu ta keda evalua cada kwartaal

EA News Author

Prome Minister ta asisti na United Nations General Assembly 2023

EA News Author

Cada doño di trabao tin e obligacion pa cumpli cu e ley di seguro di malesa

EA News Author

Leave a Comment

Whatsapp Message