FeaturedLocalAruba Turismo

APA: A habri aña 2024 kibrando record den turismo crucero

Ata First Call Norwegian Viva 49

Aña 2024 a habri di un manera hopi positivo pa Aruba Ports Authority N.V. (APA). Den e prome
siman tabatin dos first call. Un di nan tabata e Norwegian Cruise Line (NCL) – Viva cu ta e
crucero di mas nobo den e flota di NCL. Norwegian Viva ta un crucero di clase superior di
Norwegian Cruise Line. E ta e di dos di e seis barconan di e Project Leonardo-class ships.
Norwegian a ricibi e barco riba dia 3 di augustus di aña 2023 y a realisa su inauguracion net un
siman despues.

Norwegian Viva ta conta cu un itinerario di 9 dia (New Year’s Cruise). E crucero, Norwegian
Viva, a trece mas cu 3600 bishitante riba nos isla riba e di dos dia di aña. Norwegian
Cruiselines ta e di tres compania crucero cu ta trece mas pasahero pa nos isla.
E di dos barco crucero cu a yega nos isla durante e prome siman di aña ta Royal Caribbean –
Oasis of the Seas, cu ta forma parti di e Oasis Class ships. Oasis of the Seas ta un di e
cruceronan di mas grandi cu ta den operacion na e momentonan aki. Riba dia 3 di januari,
Oasis of the Seas a trece mas di 6700 bishitante pa Aruba, ta importante pa menciona cu esaki
tabata un record pa APA y pa Aruba pa loke ta e cantidad di pasahero pa un solo barco di
crucero.

Di e manera aki a kibra e record di su crucero ruman Symphony of the Seas cu den luna di
november di aña 2023 a trece alrededor di 6500 bishitante riba nos isla. Oasis of the Seas
tambe ta conta cu un itinerario di 9 dia (New Year’s Cruise).
E delegacion di Aruba cual ta consisti di representantenan di Aruba Ports Authority N.V., Aruba
Tourism Authority, Autoridad di Douane y Immigracion y e barco su agencia local kende ta
yama e barco su Capitan, tripulacion y pasaheronan bonbini y a haci e acostumbrado
intercambio di plakkaat pa conmemora e first call.

“Despues di a cera aña 2023 cu mas di 98% di recuperacion den pasahero compara cu 2019,
APA ta hopi satisfecho cu e comienso di 2024 cu ta proyecta di ta un bon aña pa e industria di
crucero di Aruba. E bishitanan inaugural di Norwegian Viva y Royal Caribbean Oasis of the
Seas ta demostra cu e liñanan di crucero ta sigui deposita nan confiansa den Aruba”, di
acuerdo cu e C.E.O di APA, Marc Figaroa.

APA ta sigui traha duro pa mantene un contacto estrecho cu e liñanan mas importante di
crucero, pa sigura cu asina Aruba ta parti di nan itinerarionan. E rol di e industria di crucero ta
importante pa nos isla, ya cu ta haci un contribucion significante na e economia di nos isla.

Tocante Norwegian Cruise Line
Norwegian Cruise Line (NCL), conoci tambe como “Norwegian”, ta un liña di crucero Mericano,
funda na aña 1966 na Noruega, incorpora na Bermuda y cu su sede principal na Miami. E ta e
di tres liña di crucero mas grandi na mundo, den cantidad di pasahero, controlando como 8.7%
di e mercado mundial di industria crucero na aña 2018. E tin un entrada anual di 6.06 biyon
Dollar Mericano y su doño ta Norwegian Cruise Line Holdings. Na tur e ta conta cu un flota di
18 crucero y tin cinco mas pidi cu ta den pleno construccion.

Tocante Royal Caribbean Cruises
Royal Caribbean Group, cu antes tabata yama Royal Caribbean Cruises Ltd. ta un compania
mundial, cu e compania madre estableci na Liberia pero cu su oficina principal na Miami,
Florida. Nan ta e di dos compania di crucero mas grandi na mundo, despues di Carnival
Corporation. A funda e compania aki na aña 1968 y dos aña pasa nan tabata conta cu no
menos di 85.000 empleado trahando directamente cu nan. Royal Caribbean Group lo introduci
e luna aki e Icon class cu e barco Icon of the Seas cual lo bira e crucero di mas grandi di mundo
y cu lo haci su prome biahe comercial dia 27 januari 2024.

Tocante Aruba Ports Authority:
A funda Aruba Ports Authority N.V. na aña 1981. E compania ta pertenece 100% di Gobierno di
Aruba y tin 80 trahado den servicio directo. Hunto ta maneha e dos wafnan di Aruba, pues tanto
esun di crucero na Oranjestad como tambe esun di carga na Barcadera, unda nan tin un
acuerdo di operacion cu ASTEC. Pa aña ta yega mas o menos 330 crucero na Oranjestad y un
otro 905 barco di carga na Barcadera (sin conta barkitos y launch services), prome cu e
pandemia. E compania ta stabiel y ta bou maneho di Marc Figaroa.

 

Ata First Call Norwegian Viva 15Ata First Call Oasis Of The Seas 20 1Ata First Call Oasis Of The Seas 37 1

Related posts

Rudy Lampe di RED: Ta papia di integridad pero realmente no tin integridad

EA News Author

Mediador di Islanan BES Anselmo Pontilius na Boneiro pa intermedia entre BHM,SELIBON y AFBW

EA News Author

Crea momentonan di recuerdo cu bo famia

EA News Author

Leave a Comment

Whatsapp Message