E tereno dilanti di misa di noord gobierno di Aruba a tuma e decision cu e area ey lo keda destina pa naturalesa unda cu lo planta mata tipico di Aruba. Prome minister Mike Eman ta indica cu tin un fundacion cu yama ban lanta y planta cu a haya e tereno aki cu ta un propiedad priva, pero a haya e tereno pa mantene esaki y planta.
Segun prome minister Mike Eman lo planta diferente mata di Aruba cu a bira scars. Ta spera cu e area aki lo haya un crecemento di hopi mata pa cubri diferente areanan , pero na mes momento e lo bira un area social y educacional unda cu famianan por disfruta di dje. E bunita di e proyecto aki ta lo planta mata pero na mes momento ta mustra e storia di e mata unda ta registra kico e mata ta y significa pa Aruba. Prome Minister Mike Eman ta indica cu tin un rapport cu a keda haci door di universidad di Wageningen “Nature Inclusive Vision” cu ta describi cu durante di e ultimo 200 añanan Aruba a perde 70% di su vegetacion y esaki ta e momento corecto pa haci un cambio y cuminsa enfoca riba un desaroyo cu no ta solamente nos mester perserva nos naturalesa, pero cu no s por trece bek nos naturalesa.