Den un hecho cu pa largo tempo no a sosode na Corsou, coriente a bay ayera marduga. Corsou a ser afecta pa un blackout den anochi. Un poco despues di 3 or di marduga coriente a cay lagando e isla completo den total scuridad. Aqualectra, cu ta e compania cu ta genera el elektricidad pa Corsou a confirma despues cu e fayo di coriente a afecta e isla completo. Awor e trahadonan a logra haña e causa y ta conectando e barionan poco poco atrobe ariba e red, pero tambe tin algun caida di coriente. E intencion ta pa tur bario tin coriente atrobe bek mas pronto cu ta posibel.
E Ministerio di Husticia di Corsou a anuncia awe mainta cu, aunke tin un interupcion di coriente, e servicionan lo continua na medida di lo posibel. Servicionan cu tin generator di emergencia lo funciona normal. Servicionan di emergencia manera Cuerpo Policial di Corsou y e Cuerpo di Bombero a tuma medida pa garantisa e continuidad di nan operacionnan. Si e suministro di electricidad a ser restaura, e personal no-uniforma lo reanuda nan trabou na 1:30 di atardi.
E Curaçao Medical Center lo mantene su operacionnan cu generator di emergencia. Tur cuido esencial, incluyendo consulta externo, lo sigui normal, segun e hospital.
Di parti di Gobierno di Corsou a pospone servicionan di gobierno parti mainta y dependiendo con Aquaelectra reestablece coriente, parti atardi tambe tin posibilidad di suspende servicionan di Gobierno.
Ministerio di Educacion a duna e muchanan di tur scol e dia liber, debi na e blackout y e calor intenso cu tin tur dia parti atardi. Recordando mayornan y e muchanan pa nan hydrata nan mes.
Durante dia Aquaelectra a purba trece e diferente barionan bek online, pero varios biaha e coriente tabata bay atrobe, sinembargo personal specialisa den coriente ta trahando cu cuerpo y alma pa reestablece e servicio electrico.
Den noticianan relaciona cu e blackout, un oficina ubica den un edificio commercial banda di Flow den Saliña a pega candela, segun Extra.com a raporta. Bomberonan a acudi na e oficina y mester a kibra pa drenta y paga e candela. Aparentemente e candela a surgi ora cu Aquaelectra a reestablece e servicio di coriente y un of otro aparato electrico a pega candela den e oficina. Dañonan tabata limita na e oficina so. Ta spera cu pa atardi full Corsou su coriente lo ta reestableci.
