Aruba Bank ta honra pa anuncia lansamento di su campaña di celebracion di 100 aña: Nos ta Centennial. Cu mas di un siglo di confianza, e celebracion aki ta un testimonio di e fortalesa y union cu Aruba Bank a desaroya hunto cu su clientenan y empleadonan.
“Ta un honor pa ta aki cu boso awe pa inicia nos celebracion di Aruba Bank su di 100 aniversario, Nos ta Centennial. Un siglo di confianza, servicio, y crecemento ta refleha e dedicacion di nos empleadonan, e lealtad di nos cientenan, y e apoyo di nos comunidad. Nos celebracion di centennial, inspira pa e resultado di nos encuesta di nos clientenan, no solamente lo honra nos pasado, pero tambe lo duna bek cu un impacto significante na nos comunidad.” Sharon Fränkel-DeCuba, Managing Director di Aruba Bank a comparti.”
Ta un Centennial ta mas cu un celebracion; ta un manera di pensa “un mindset”. Centennial ta nifica union, resilencia, y crecemento. Hunto, nos honra e pasado, brasa e presente, y premira un futuro hunto.
Un comercial exclusivo
Pa marca e comienso di e celebracion, Aruba Bank ta presenta un comercial exclusivo cu ta ilustra e evolucion unico y impresionante di e banco durante e añanan. Esaki ta un historia di transformacion, innovacion, y dedicacion continuo pa mehora bida di nos comunidad. E video ta disponibel via e link siguiente: https://youtu.be/TnEAoxO3-38
Un aña di actividad y iniciativa nan special
Durante e aña di 2025, Aruba Bank lo organisa varios actividadnan, campañanan, y iniciativanan cu tin como meta no solamente celebra e momento historico aki, pero tambe duna bek cu importancia pa educacion, preservacion di cultura, y contribucion na nos comunidad.
Sigui Aruba Bank su plataformanan digital (Facebook, Instagram, LinkedIn) pa keda informa tocante nos actividadnan y iniciativanan, y hopi sorpresa cu tin na caminda.
Un tiki di Aruba Bank su historia
Funda na aña 1925, Aruba Bank ta e prome banco comercial na Aruba cu ta ofrece producto y servicionan financiero innovatico y di confiansa cu ta yuda clientenan logra nan meta financiero. Durante e ultimo 100 aña, Aruba Bank a pone comunidad central di su operacion.
Aruba su mensahe special pa comunidad, ta hunto nos ta logra y ta hunto nos ta celebra. Nos ta Centennial!
