11–14 di December 2025 • JOIA Aruba by Iberostar • Eagle Beach, Aruba
Aruba Fashion Week ta bek di 11 pa 14 di december 2025, pa celebra moda, cultura y luho Caribense na un nivel distingui. E edicion di aña 2025 ta tuma luga den e maraviyoso resort JOIA Aruba by Iberostar, ubica na Eagle Beach — nombra regularmente como beach number 1 den Caribe, creando un ambiente inspirador unda estilo global ta topa cu elegancia tropical.
Esaki ta un edicion special cu ta ricibi bek e famoso diseñador internacional Agatha Ruiz de la Prada, conoci pa su estilo audaz y expresivo, hunto cu nos orguyo nacional Ronchi de Cuba, cu su vision creativo ta continua duna voz y identidad Caribense riba e escena internacional. Nan ta uni na diseñadornan, modelonan, celebridadnan, medio y influencernan for di diferente pais pa un experiencia di moda y inspiracion di cuater dia.
E evento a inclui palabra inspirador di Angel Leon, Director di Aruba Fashion Week, cu a destaca e vision y mision pa e edicion di e aña aki; Arnaud Le Lanchon, General Manager di JOIA Aruba by Iberostar, hotel anfitrion oficial, cu a enfatisa e vision di e hotel pa sostene y celebra e identidad cultural di nos comunidad; Ivelisse Simon, Events & Sponsorship Specialist di Aruba Tourism Authority (A.T.A.), cu a subraya e potencial di Aruba Fashion Week pa atrae visitante cu poder halto di compra cu ta busca un experiencia di estilo di bida di luho; Junior Arends di Departamento di Cultura Aruba (DCA), cu a reafirma e compromiso di gobierno pa sigui apoya e industria creativo y innovacion cultural; y Ronchi de Cuba, diseñador local renombra, cu a comparti su perspectiva riba e evolucion di moda Arubiano y su influencia creciente den region.
E PROGRAMA — ARUBA FASHION WEEK 2025
Diahuebs, 11 di december ta habri Aruba Fashion Week na gran estilo cu e Kick-Off Event na ZIMA Rooftop Bar na 7:00 PM, den colaboracion cu Shivas Jewelers — dunando tono pa un siman di luho, creatividad y celebracion cultural.
Diabierna, 12 di december ta cuminsa pa 4:00 PM cu e Meet & Greet di diseñadornan y e apertura oficial di e Showroom na Red Sail Boutique JOIA Showroom. Sigui pa 5:00 PM cu un brindis na ZIMA, y pa 6:00 PM e pasarela ta cuminsa den lobby di JOIA.
Diasabra, 13 di december ta cuminsa cu un bishita exclusivo di prensa na Shivas Jewelers na Royal Plaza Mall pa 11:00 AM. E anochi ta contene un otro brindis na ZIMA pa 5:00 PM y un otro gala di moda pa 6:00 PM den lobby di JOIA.
Diadomingo, 14 di december ta habri cu un Catamaran Fashion Sail (exclusivo pa prensa) for di 9:00 AM te 1:00 PM. Den atardi (2:00–5:00 PM) ta tuma luga e Buyers & Bubbles Shopping Event na Red Sail Boutique JOIA Showroom, y e siman ta cera cu e elegante Sunset Soirée na ZIMA Rooftop Bar for di 5:00 PM te 7:00 PM.
SPONSORNAN & PARTNERNAN
Aruba Tourism Authority, JOIA Aruba by Iberostar, Zim Rooftop Bar, Shivas Jewelers, Departamento di Cultura Aruba, Kerastase Paris, Revlon, Santa Margherita, Pepe Margo Distillery, Testarosa Motors, Elite Productions & Entertainment, Procolombia, Haagen-Dasz, Caribbean Print, First Class Experience, Avianca, ID Realty Group, Alma Treats, Carolina Herrera, Paco Rabanne, Casamigos Car Rental, Penha Duty Free, Aruba Airport Authority y Verbum Works.
ENTRADA
Ticketnan pa Aruba Fashion Week 2025 ta disponibel online via Eventbrite y tambe na tur stacion CITGO y Trash by Ronchi. Tambe tin un Pase pa tur 4 dia pa esunnan cu kier haya e experiencia completo. Ta recomenda pa cumpra pronto pasobra evento y asiento por yena lihe.
Aruba Fashion Week ta sigui profila e excelencia creativo Caribense y posiciona Aruba como destino global di moda y estilo di bida.
Contacto pa Prensa:
Press Kit y Acreditacion: https://www.arubafashionweek.com/press-media-accreditations
Pregunta: verbumworks@gmail.com
