Local

“ARUBA ONE HAPPY ISLAND LIONS CLUB A HACI DONACION DI UN TELEVISION NA NOS GRANDINAN ST. THUISZORG JABURIBARI”


ORANJESTAD, Aruba

Aruba One Happy Island Lions Club a bishita nos grandinan na St. Thuiszorg Jaburibari y a haci donacion di un television pa nos grandinan por mira programanan, entretene y informa nan mes. Ademas di esaki nos grandinan a haya un treat saludabel di pan di Subway y juice y na final a entrega un baki di fruta pa nos grandinan. Tabata un atardi hopi ameno caminda e miembronan di Aruba One Happy Island Lions Club a combersa cu nos grandinan, como tambe Fl. Angelo Koolman a canta algun cancion y Fl. Clarette Quandus a declama un poesia pa nos grandinan kendenan a pasa un dushi atardi.

Presidente Fl. Junior Arends a gradici nos grandinan pa nan dedicacion y trabao pa nan famia y comunidad di Aruba. Ademas a gradici e trahadornan di St. Thuiszorg Jaburibari pa nan bunita trabao diario, e cuido, atencion y cariño pa nos grandinan. Un atardi hopi bunita caminda por a comparti cu nos dushi grandinan. Nos tur mester tuma tempo y pone mas atencion y cariño na nos grandinan, bishita, combersa y pasa tempo cu nan. Un danki tambe na Sr. Reynold Semeleer pa su cooperacion brinda.


Related posts

Aruba tin 24 morto pa motibo di COVID 19

EA News Author

Parlamentario Endy Croes: Ministerio Publico “on the move” A bolbe drenta cas di x Minister di AVP Benny Sevinger e sospechoso principal

EA News Author

Diferente entrada hudicial na Aruba y Corsou relashona cu caso Avestrus

EA News Author

Leave a Comment