Tur problema labora cu Aruba tin ta propio comerciante y gobierno nan tin culpa pa e mal decision nan. Awe pa legalisa mas di 10 mil trahado cu a trapa riba leynan di Aruba conscientemente kier duna paso Free cu e pretexto cu no tin trahado na Aruba ta un falta di respet y incapacidad di maneho di Pais Aruba.
Gobernantenan mes ta permiti pa inmigrantenan trapa riba nos sistema, gobernantenan mes a permiti pa situacion di ilegalidad crece di e forma aki na Aruba. Unda e derecho di tur e ciudadano nan cu si ta cumpli ta ? Pesey mes awe Aruba ta bashi di ciudadanonan corecto cu ta bula bay biba den exterior porehempel Hulanda paso e mes un comerciantenan no kier paga nan paso nan KIER trece nan propio hende nan di exterior. Tur e situacion aki ta un wega y PAIS Aruba ta esun cu ta paga pe. Aruba ta un desaster, dicon eingelijk?
Ki dia tin un gobierno cu ta pone emigrantenan para responsabel pa nan mal comportamiento di conscientemente ta bin Aruba pa keda sin bay bek. Ki dia comerciantenan cu ta aporta di tuma ilegalnan na trabou sabiendo cu cu no por y ta haci esaki tog, nan ta haya Boet ? Ki dia ta pone realmente y no cu palabra pero cu echos pa comerciantenan di exterior respeta e pida baranca aki ? dicon cada bes ta BUK , kico ta pone un gobernante BUK y no para pa su PAIS.
Kico abo como gobernante a haci pa e studiantenan bin bek Aruba ? nada absolutamente nada , pero si ta traha pa legalisa 10 mil ilegal. Si ta pone un forsa enorme pa legalisa ilegalnan “ cu e pretexto cu nan lo paga belasting awo si “ kico ta e boet y of e straf cu nan lo ricibi pa a viola leynan añanan largo na Aruba, of ta dies duna compensacion y Pais Aruba mester BUK pa duna Free pas ? Studiantenan cu a nace na Aruba cu conoce e norma y balor di e pais , cu stima nan baranca kico abo como gobierno a haci pa nan bin bek na nan Pais? Aparentemente hopi mas forsa ta ser duna pa ilegalnan bira legal cu trece nos propio yiunan di tera bek cas, aparentemente ta traha mas duro pa mas stranheronan sigui yena e pida baranca aki enbes di busca e yiunan di tera den exterior. Unda nos ta bay ? nos mes ta bezig ta zink e pida baranca aki ?
Sinembargo si ta scoge pa mas inmigrantenan drenta Aruba y legalisa 10 mil Inmigrante cu no conoce Aruba, ta forma parti di e cambio di norma y balornan cu nos tin riba e pida baranca aki caba , no conoce kico ta di nos, claro nan por siña , Pero ta bisto cu e normanan cu Aruba ta carga di amabilidad y servicio a cambia drasticamente, dicon eingelijk, ainda nos ta puntra nos mes? nos ta consciente cu ta importacion di ilegalnan ta importacion di normanan y tratonan diferente cu Aruba ta perdiendo mas y mas y por wak e den tur area di trabou caba?
pero dicon ta traha duro y fuerte pa uno cu no sa y no ta di e Pais siendo cu por traha pa uno cu si sa y ta di si Pais aki mes, Aruba ta riba su cabes. Ta impresionante pa scucha politiconan expresa cu permisonan no ta cla comerciantenan ta preocupa , pero ken a ocasiona tur e blunder aki nan mes,Pero Awe Pais Aruba tin cu paga pa tur e blunder aki y tur esunnan cu ta biba corectamente y ta cana nan caminda corectamente y cu ta stima e pida baranca aki mester paga pa blunder conscientemente haci trapando riba leynan Arubiano y derechonan di esunnan cu si ta cumpli riba e Pais aki.
Den bida nada no ta pornada , nada no ta free, kier bira legal ? cuanto aña tin ilegal ? paga pe y duna Aruba su entradanan desde cu a viola su leynan y asina lo ta un trato husto pa ta legal na Aruba y cuminsa cu un status nobo na Aruba. Pero de gratis ta inaceptabel. Nos mester cuminsa para pa respeta e pida baranca aki.