Algun ciudadano cu ta sigui EANews na Hulanda a conta nos redaccion di un caso horibel cu nan a presencia na Rotterdam. Un caso unda un persona femenino relativamente hoben a perde su bida na man di su pareha.
Segun por a compronde di e Arubianonan aki c uta biba den besindario, e pareha tin un relacion hopi toxico. Esaki den e sentido cu nan ta biba den un situacion di pleito continuo, reclamo continuo. Tur esnan cu ta biba cerca di nan den e edificio di apartamento na Rotterdam mester soporta e situacion aki.
Ta parce cu e siman aki e situacion a escala di tal forma, cu por a scucha e gritonan. Pero e situacion a coy otro rumbo ora cu a mira con e homber Hindustan a dicidi di pusha e muhe for di e balcon y e no a logra wanta, pero a bay suela. “Horibel, horibel mes,” ciudadanonan cu ta biba na Hulanda a comenta cu redacción di EAnews..
E homber despues lo kier a pone fin na su mes bida, ora cu el a mira kico el a haci, pero e no a logra. E pareha tin dos yiu chikito, kendenan mester a pasa den henter e situacion aki. Autoridadnan a presenta na e sitio y a atende cu e caso.
