LocalFeatured

Atan Lee : Apenas cu gobierno a hala su ultimo resea cu promesanan sin base a bin di cierto politico

Atan Lee

Ta tristo con cierto politiconan haragan pa poder sin laga Gobierno hala su ultimo rosea a sali y bin cu promesanan den tur sentido di palabra.

Pueblo pa menos educacion cu un persona por tin sa cu pa 7 aña largo ta Hulanda ta bai dicidi ariba Aruba pa loke ta trata e parti financiero. Cu firmamento di COHO Aruba ta mara na man y pia.

Increibel con por pensa pa bin cu promesa tras di promesa, lubidando cu durante 34 aña di Aruba su Status Aparte Aruba no a traha dam warda awa, pero Aruba ta plan bari, ta pober, cu hendenan pober y ariba dje un debe gigantesco biyonario, pero si cu ex politiconan miyonario.

Si no ta pa Hulanda un di e paisnan mas rico di mundo, awe Aruba lo ta bancarota, sin salario, sin cuminda, sin loonsubsidie, sin fase, sin cuminda pa e pobernan, SIN VACUNA, ANTO E MIHOR CU TA PFIZER. Loke politiconan elite miyonario mester  haci ta dedica parti di nan rikesa pa yuda pobernan.

Otronan ya tabata tin nan material di campaña cla, mientras cu nan por a yuda pueblo cu no tin cuminda cu e placa cu nan a paga pa tur e materialnan.

Pueblo stima ningun partido por traha un programa, debi cu Hulanda tin e maneho stipula pa 7 aña largo. Esun cu bin cu programa ta pasobra nan kier gaña pueblo.

Den un otro partido pueblo por wak bon cla e lucha pa yega pa ser lider di e partido, esaki tin mas preferencia cu e interes di pueblo.

Nos di Movimento FUTURO pa un Aruba nobo, no tin partido, pero ta kere firmamente cu e partidonan cu a destrui nos Status Aparte y esnan cu ta desea un Independencia na unda Aruba lo perde su pasaporte Hulandes, lo no ricibi e sosten di pueblo.

No bai tras di promesanan falso, no vota tradicional, pero vota segun boso consenshi pa un mihor Aruba. NO VOTA PA FLANEL, BORCHI, STICKER, BANDERA, VOTA PA ARUBA.

MOVIMENTO FUTURO PA UN MIHOR ARUBA

Esaki ta opinion publico

Related posts

Pronostico di tempo diahuebs 03 di november 2022

EA News Author

Rebecca Eman: Together, from “I” to “We”

EA News Author

IPA ta tene un anochi di informacion di e estudio pa maestro di Enseñansa Primario

EA News Author

Leave a Comment

Whatsapp Message