Un base di data cu opcion nobo pa adaptacion pa Caribe Hulandes a wordo lansa awe, sosteniendo Aruba, Curaçao, y St. Martin den tuma accion pa haci nan medio-ambiente mas resiliente pa e impactonan extremo di tempo como resultado di cambio di clima. Avansando strategianan nacional Meta di e base di data ta pa avansa e strategianan di adaptacion nacional di e islanan y pa provee inspiracion, ehempel practico y guia pa tuma decision informa y transparente pa un futuro mas resiliente. E base di data ta sostene directamente desaroyo di Aruba su Strategia Nocional di Data, cu ta coordina pa Nacional Climate Resilience Council (NCRC), y ta forma un base di conocemento integral dentro di e proceso. NCRC a wordo envolvi di cerca den identificacion y validacion di e opcionnan di adaptacion, sigurando aliñamento cu e prioridad- nacional, procesonan di maneho, y expertio local. Mas di 100 opcion pa adaptacion E base di data ta provee un bista structura di mas di 100 opcion relevante pa adaptacion pa e contexto di e islanan. E por wordo uza door di stipulado- di maneho, profesional- y studiantenan cu ta interesa den tuma medida. Uzadornan por explora via f iltro tematico y haya acceso na informacion cualitativo riba visibilidad, co-beneficio, consideracion di equidad, y ehempel practico. Construi riba fundeshinan regional y scientifico fuerte E base di data a wordo desaroya dentro di e programa di International Panel on Deltas and Coastal Areas (IPDC) y ta construi riba e trabou preliminar di scenarionan climatico y atlas di impacto di clima pa e region. E Proyecto a wordo guia door di Vrije Universiteit Leiden, Universidad di Curaçao, Universidad di Aruba, University of St. Martin, y un consorcio di partner regional y internacional di conocemento. Pa Aruba, Impact Blue cu sosten di Universidad di Aruba den co-creacion y contextualisacion di e opcionnan di adaptacionnan, reforsando aliñacion cu e maneho local y contexto instutocional. Co-creacion cu interesadonan local Desaroyo di e base di data tabata bou di guia di perspectivanan di grupo di enfoke teni na Curaçao, Aruba, y isla di St. Martin. E sesionnan aki a trece hunto stipulado di maneho, staff academico, y stakeholder di sociedad pa reflexiona riba utilidad, relevancia, y necesidad di gobernacion a largo plaso, sigurando aliñamento cu contexto institucional local y contexto di comunidad. Integra den Atlas di Impacto Climatico existente E base di data ta aloha dentro di e Atlas di Impacto Climatico pa Aruba, Curaçao y St. Martin, sigurando continuidad di e trabou anterior hunto cu IPDC y accesibilidad a largo plaso. E ta sostene directamente planificacion di procesonan di adaptacion riba cada isla. Por haya e base di data di opcionnan di adaptacion pa Aruba riba https://aruba.climateimpactatlas.com/adaptation-options.
