Di e manera aki na Boneiro a inaugural stadion Antonio Trinidad na Rincon. Prome cu e wega a cuminsa e deportistanan a keinta curpa pa asina nan subi veld despues pa lora e bala. E wega tabata entre Bonaire VS CCV Inter Willemstad.
E wega riba su mes tabata un bon wega na unda cu tur dos team ta hunga den un nivel hopi halto. Sinembargo tin un diferencia , e team di Boneiro tabata hunga mas como ekipo cu otro compara cu e team di Curaçao.
E 4 golnan a keda haci den e prome 15 min di wega y den e di dos rond por a tuma nota di un wega completamente diferente, unda cu e team di Curaçao a bira hopi mas agresivo pero tambe bruto di un manera cu varios carchi a keda saca door di referi y hasta casi na ultimo un di e hungadonan di Corsou lo a haya un carchi geel y e no a gusta esaki, y a pusha e referi na su cabes unda cu mesora e la haya un carchi cora y a keda saca for di wega mesora.
Den e di dos rond mirando cu e wega a cambia y bira mas bruto yun di e dos partidonan no a hinca col. Boneiro a mustra e elegancia di nan manera di hunga y pone bala lora riba veld, un bunita wega entre e partido nan y Boneiro a sa di hinca 4 gol unda cu a gana Curaçao 4-0 durante un tremendo wega amistoso riba e veld completamente nobo na stadion Antonio Trinidad na Rincon.
Por a tuma nota di presencia di president di parlamento di Aruba tambe na Boneiro y a forma parti di parti oficial di cortamento di sinta na e veld completamente renoba na Rincon.
