KRALENDIJK,Bonaire
Entidat Públiko Boneiru (EPB) ta anunsiá ku un persona ku Covid-19 a fayesé 11 di sèptèmber den oranan di anochi. E ta bira e promé persona ku ta fayesé di e malesa aki na Boneiru. EPB ta ekstendé palabranan di kondolensia na famia di e defuntu den e momento difísil aki. Laga nos duna e famia di e persona ku a fayesé espasio pa por karga pèrdida di nan ser kerí.