Den e prome siman di april pueblo di Boneiro a keda den shock di un morto di un persona conoci y keri na Boneiro. Ta trata aki di e homber German Antonio Boekhoudt cu a keda transporta cu ambulance cu urgencia pa hospital Mariadal. Mirando su situacion a saca e ciudadano mesora pa Colombia pa haya tratamento medico.
Na momento cu e sucedido a pasa polis no a ricibi un melding pa asisti, y despues ni ambulance of hospital a duna notificacion di loke nan a encontra. Esaki ta indica cu e cadena di husticia no ta traha of no a yega asina leu di cera un protocol na beneficio di e ciudadanonan di Boneiro y pa ta na altura di tur sucedidonan grave cu ta pasa riba Boneiro.
Mirando esaki KPCN tambe a keda cu brasa crusa ora cu vocero di KPCN a indica cu nan no a haya un melding y no tin investigacion. Un contesta inaceptabel na un Pais cu ta cay bou di Hulanda cu Husticia mester prevalece pa ciudadanonan Boneriano.
Por describi esaki di un forma cu no tin interes di loke ta pasa riba e isla, floho pa haci un investigacion of djes no tin interes pa siguridad di pueblo Boneriano.
Sinembargo EANews a haci diferente investigacion y tin diferente storianan cu ta indica kico por a pasa, pero na mes momento ta biba un temor di miedo na Boneiro di kico a pasa y of kico a conduci na morto di e ciudadano German Antonio Boekhoudt.
Na momento cu e homber a yega Colombia e corant nacional Bonerianu a indica cu e homber a fayece y tabatin multiple golpi na su curpa y supuestamente a kibra su garganta y dokternan na Colombia a bati alarma y a pone e caso den man di autoridadnan. Aki ta mira e diferencia entre Boneiro y Colombia unda cu si e cadena hudicial ta traha y manera cu e mester traha pa siguridad di un Pais.
Mesora Colombia a bati alarma na autoridadnan y investigacion internacional a cuminsa. Siendo na Boneiro tur autoridad ta muis stil y man crusa y ta pensa y kere ta hende mester bin duna keho siendo den ley nos tin un palabra cu yama “AMBTSHALVE” cu na momento cu ningun hende no bin duna keho y si tin un situacion cu ta regarda LAND y tin un morto cu ta mustra algo straño, e ta un obligacion di husticia KPCN y of OM pa tin un investigacion.
Kico e mensahe aki ta pa Boneiro? Claramente na Boneiro e cosnan no ta na su luga y e cadena hudicial no ta funcionando manera debe ser, y cu esaki no ta funciona por ta debi na diferente cosnan cu lo ta pasa riba Boneiro y KPCN ta drumi y e siguridad na Boneiro pa e pueblo Boneriano y e bishitantenan ta na peliger.
Simannan a pasa mientrastanto e curpa a yega Boneiro y na su yegada mesora a dera e ciudadano. Un movecion cu tambe ta straño y tur hende ta keto. KPCN sinta riba stoel wardando pa hende bin duna un keho, un maneho straño y no ta cana segun ley.
E berdad ta cu German Antonio Boekhoudt ta un persona cu ta bebe hopi y no ta prome biaha e ta cay, pero esaki no ta hustifica cu su morto no por keda investiga. Ta papia aki di un ser humano cu a keda trata mane un animal sin haya husticia na Boneiro.
Na mes momento German Antonio Boekhoudt ta un persona cu tin basta placa y tin diferente casnan cu ta huur y tin un chauffeur personal cu ta cuid’e y hib’e cas na momento cu e ta basta bebi.
E tin algun famia chikito leu cu tin un miedo di papia y bin dilanti. Tambe na varios ocasion a trata di hort’e na su cas y of drenta su cas. Esaki ta un movecion straño na mes momento debi cu si berdaderamente famianan actuacion normalmente ta pa defende y busca pa sa kico por a pasa cu nan famia, pero den e caso aki ta net lo contrario unda cu ta trata di sconde , no kier bisa nada y no kier atende.
Ta tristo cu autoridadnan ta sinta man crusa y ta prefera sinta warda un hende bin duna keho.
EANews a tuma contacto cu Ministerio Publico y a papia cu vocero di MP Roderick Gouverneur pero a duna e mesun contesta cu esun di KPCN, cu no a haci un investigacion pasobra no a ricibi keho of melding pa bay e sucedido cu ta pone cu MP no tin niun base pa cana pa por investiga na bienestar di siguridad di pueblo Boneiriano. Un persona cu ta dies perde su bida den sociedad y KPCN no ta funciona.