Social

Cede Aruba ta inicia un Projecto Nobo: “Aruba Volunteer”

Cede Aruba 2

Durante di e “Thank You Party” di e celebracion di 10 edicion di Aruba Doet, sr Daniel Tecklenborg, director  di CEDE Aruba, a anuncia cu tin un projecto nobo den desaroyo cu lo wordo carga bou di CEDE Aruba cu ta titula “ARUBA VOLUNTEER”.  “ARUBA VOLUNTEER” ta un Plataforma pa engrandese boluntarismo y lo inicia den zomer vakantie.

Despues di10 aña di celebracion di Aruba Doet, a tuma nota cu e necesidad pa trabounan boluntario tin un pedido grandi, pero e caminda pa por yega na otro ta resulta dificil. Por medio di un Plataforma online por crea e espacio pa tanto e boluntario como e organisacion por ricibi y escohe boluntario cu tin e interes den un organisacion specifico unda e por duna algun ora di su tempo na nos comunidad. Tin biaha mester di boluntario pa algun ora of pa un projecto specifico y no tin idea ni ken, ni unda pa busca. E projecto aki lo bira e Plataforma ideal, structura cu por yuda boluntarionan inscribi nan mes.

Tin di remarca cu por inscribi un solo biaha y tambe por inscribi pa e trabou boluntario di bo preferencia y lo por mira si esaki tin disponibilidad di bo escohencia aki. 

Si bo kier duna bo tempo liber na un organisacion pero no sa, lo tin un team di personanan cu experiencia cu lo yuda bo “match” cu un projecto si acaso bo mester di yudansa pa escohe uno.

Tur representantenan di NGO’s, fundacionnan, clubnan deportivo, scolnan, scouting etc dentro di poco lo ricibi instruccion con nan por forma parti den e Plataforma aki y tambe lo wordo informa e dia cu e campana cuminsa pa asina nan tambe participa activamente pa promove pero tambe pa duna informacion di ki tipo di boluntario nan tin mester.

Cede Aruba 1 ScaledCede Aruba Scaled

Related posts

“Opendag ” na Aruba Kazèrne di Marina Savaneta

EA News Author

Tin hopi indicacion cu ya caba for di varios tempo ta re- uza productonan sin cu nos sa

EA News Author

Abuso sexual di menor na Aruba

EA News Author

Leave a Comment

Whatsapp Message