LocalFeatured

Celebracion di Dia di Himno y bandera

Celebracion Di Dia Di Himno Y Bandera..02

Biblioteca Nacional Aruba ta join e celebracion di Dia di Himno y bandera diasabra dia 18 di maart. Nan ta invita comunidad pa pasa un rato cu hunto. Portanan ta hancho habri diasabra cu un programa musical, weganan popular, cuminda crioyo y cos dushi y un Mercado di Buki segunda mano. E programa ta di 9or di mainta te 2or y mey di merdia. 

Musica

Diferente banda ta toca ‘en bibo’ for di 11or. Invitadonan ta banda Robert Maduro y su grupo, Sonido di Antaño, Tradicion musical y Tipico Ayo.

Mercado di buki segunda mano

Pa tur amante di buki, biblioteca ta organisa su Mercado di Buki segunda mano riba ‘Dia di Himno y bandera’. Un bunita oportunidad pa busca den un cantidad grandi di buki pa algo interesante y diferente. Tin bon buki sigur sigur! Bukinan ta bay na prijs di 1 florin pa buki. Bishitantenan por busca den un coleccion grandi di buki di tur topico. Tin algo pa tur gusto y interes. 

Weganan popular

Boluntarionan di Hunga Teca ta percura pa tur por hunga weganan popular riba e dia aki. Hunga Teca ta ubica den edificio di biblioteca awor y ta habri 3 biaha pa siman. Dialuna y diaranson di 4or pa 7or. Y diasabra mainta di 10or pa 1or. Weganan popular ta tuma lugar pafo, dilanti di biblioteca riba stupi. 

Pues, di 9or di mainta pa 2or y mey di atardi. Un y tur ta bon bini!

Celebracion Di Dia Di Himno Y Bandera..03Celebracion Di Dia Di Himno Y Bandera.01 ScaledCelebracion Di Dia Di Himno Y Bandera

Related posts

Rocco Tjon: Un dama sumamente capacita cu sa kico ta e nificacion di perseverancia

EA News Author

E programa di “Improving Lives Together” a cuminsa

EA News Author

Parlamentario Shailiny Tromp-Lee (MEP) cu palabra di felicitacion pa Comite Olimpico Arubano

EA News Author

Leave a Comment

Whatsapp Message