Local

Conta cuenta ta continua

‘Conta Cuenta Na Cas Di Nos Grandinan.3

Pa un temporada basta largo bishita pa un Cas di nos Grandinan no tabata posibel. Pero e aña aki un team na biblioteca bou coordinacion di sra. Yosmar Maduro-Sneek a reactiva e proyecto ‘Conta cuenta na Cas di nos Grandinan’. Pa 3 luna a bishita na total 12 biaha un cas hunto cu 4 escritor local pa deleita e publico presente cu storia bunita y unico. Esaki ta e di 14 aña cu ta haci esaki.

Sr. Marco Christiaans, pareha Belen Kock-Marchena y Dolfi Kock y tambe sra. Ruthy Vrieswijk ‘Lady Ruth’ a carga e programa di biblioteca su proyecto ‘Conta Cuenta na Cas di nos grandinan’. Nan a duna nan aporte den forma di conta cuenta, recita poesia, canta y toca musica.

Sr. Marco Christiaans ta contador di storia y autor di e buki ‘Perseverancia’. ‘Perseverancia’ ta un storia di e pescadornan di e area di Noord (Montserrat). Christiaans ta gusta lesa y skirbi y tin hopi conocimento di e bida di antes na Aruba. Christiaans a conta cuenta tocante casamento di antes y con esey tabata bay.  Sr. Christiaans a haya e proyecto fantastico y a disfruta di cada presentacion. 

Sra. Belen Kock-Marchena ta conoci pa su poesia y biblioteca tin varios di su publicacionnan den su coleccion, manera ‘Mas leu cu horizonte’, ‘Den bena di bida’ y ‘Vibrashon di amor’. Belen a traha hunto cu su casa y su yiu homber riba diferente otro publicacion. Dolfi Kock a skirbi buki pa mucha manera ‘E bruha brabo’, ‘Bon mucha???… tur dia!!’,  ‘E gulido golos’. Tanto Belen como Dolfi a traha hopi aña den enseñansa na Aruba y tur dos ya a baha cu pensioen pero nan ta keda activo y semper dispuesto pa conta storia y recita poema. Belen y Dolfi a presenta bunita poema. A haci un sketch imitando e papia di diferente cultura, manera di Corsou, Boneiro y Surnam. Un berdadero talento pa haci esaki. Tambe a canta hunto cu nos Grandinan y conta cosnan/custumbernan di antes.

Ruth Vrieswijk-Bergen a publica coleccionnan di poema titula ‘Alegria di Ruthy’ y ‘Poemanan di Ruthy’, ‘Sigui…inspira pa duna’, ‘Mi bida den un dia. Den silencio’ y e tin su propio columna den Bon Dia cu yama ‘Sabiduria den nos alegria’. Ruth a interactua cu nos Grandinan pa medio di su poesianan, canticanan crioyo y tambe un storia cu e mes a skirbi. Tambe declamacion di poesia di otro poeta cu tin nificacion profundo pa nos grandinan. Ruthy a pasa un cusinchi di curason cora rond pa cada presente brasa y asina comparti algo di nan sentimento.

Despues di e prome parti cu ta e presentacion di e autor, biblioteca a sigui cu un pelicula cortico cu tema consecutivamente di ‘e prome bishita di enamora na cas’, ‘San Juan’ y ‘Pidimento di man di antes’. Hunto cu team media a presenta un bunita mainta pa nos Grandinan.

Di e manera aki biblioteca ta contribui presentando actividadnan alegre y informativo y hibando literatura pa nos grandinan cu ta biba den e diferente Cas pa nos Grandinan manera e.o. Paviljoen San Pedro, Huize Maris Stella Savaneta, SABA San Nicolas y Cas Marie Savaneta. Ta percura pa documenta e presentacionnan aki pa medio di filmacion y potret. Service club ‘International club of Quota Aruba’ a duna sosten financiero pa e proyecto. Diabierna mainta 27 di juni, e proyecto a yega na su fin.

‘Conta Cuenta Na Cas Di Nos Grandinan.7‘Conta Cuenta Na Cas Di Nos Grandinan.6‘Conta Cuenta Na Cas Di Nos Grandinan.5‘Conta Cuenta Na Cas Di Nos Grandinan.4‘Conta Cuenta Na Cas Di Nos Grandinan.2‘Conta Cuenta Na Cas Di Nos Grandinan.1

‘Conta Cuenta Na Cas Di Nos Grandinan 1

Whatsapp Image 2023 06 27 At 11.15.14 Am

‘Conta Cuenta Na Cas Di Nos Grandinan

Related posts

Pastor Marcel Balootje: Entrega bo curazon na Dios ,y balora locual dios a duna bo

EA News Author

Tayer pa docente

EA News Author

Prome Minister Evelyn Wever Croes: COHO definitivamente ta for di mesa

EA News Author

1 comment

Conta cuenta ta continua - EA News Aruba - Notisia 365 July 5, 2023 at 7:00 pm

[…] Source link […]

Reply

Leave a Comment

Whatsapp Message