ORANJESTAD,Aruba
Cruz Cora Aruba ta hopi satisfecho cu e programa di ayudo humanitario di e ultimo lunanan y ta comparti cifranan di kiko tur e programa a inclui. For di momento cu Covid-19 a cuminsa afecta Aruba, e organizacion a prepara pa bai traha den un situacion di crisis y a adapta pa asina por asisti comunidad di Aruba. Awor despues di 5 luna, ta sera e prome fase di e programa di ayudo humanitario aki. Den e imagen adhunto, por wak cifranan te 17 di augustus, 2020. Awor ya despues di dos siman, Cruz Cora Aruba por informa cu orguyo cu a parti un total di 50.000 cuminda cayente.
Ayera pa gradici e voluntarionan cu e 50.000 cuminda cayente parti,
drs. David A.J. Abrahams, Plaatsvervangend Vertegenwoordiger van Nederland in Oranjestad a haci un bishita y entrega un bunita gesto na tur voluntario na Cruz Cora pa nan dedicacion.
