Duana Hulanda Karibense (Douane CN) a detené un dama na Bonaire International Airport (BIA) riba sospecho di kontrabanda di supstansia narkótiko. E sospechoso tabata prosedente di Kòrsou i a entreg’é na Koninklijke Marechaussee (KMar) pa mas investigashon. Despues di investigashon di e departamento di reshèrshi di KMar, a konfirmá ku e sospechoso probablemente tabatin kokaina huntu kuné. Ta entregá e dosié na Ministerio Públiko (OM) despues ku terminá e investigashon.
Koninklijke Marechaussee i Duana Hulanda Karibense ta traha huntu den kombatimentu di kriminalidat ku ta krusa frontera, riba enkargo di Ministerio Públiko BES. Na Bonaire International Airport ta traha huntu di manera estrecho pa oumentá siguridat di Boneiru i di e aeropuerto. E detenshon aki ta kontribuí na esaki.
Dama detené riba sospecho di kontrabanda di droga na Bonaire International Airport
