Parlamentario Dangui Oduber a manifesta lamentacion profundo riba manera cu e gobierno di coalicion AVP–FUTURO ta manehando e proceso riba e Rijkswet HOFA. Segun Oduber, e propuesta ta pone den riesgo balornan fundamental di Pais Aruba, incluyendo dignidad, libertad y autodeterminacion.
“Ta condenabel cu den henter e situacion aki, e mensahe implicite ta cu Aruba por ‘bende’ su dignidad, libertad y autodeterminacion simplemente pa un sakito di placa?,” Oduber a declara. E la enfatisa cu parlamentario nan no mester concentra solamente riba e cifra financiero, sino tambe riba principionan y soberania di pais.
Segun Oduber, e debate riba HOFA mester refleha un balansa entre responsabilidad fiscal y proteccion di balornan fundamental di pueblo di Aruba, incluyendo decision autonomo y respet pa institucionnan democratico.