Ayera den careda di 23:55 RADAR ta capta movecion di un boto biniendo direccion di Aruba. Mesora Metal Shark di wardacosta a sali pa intercepta esaki. Pa 01:45 Metal Shark ta intercepta e boto ‘El JUNIOR’ cu registracion ‘ADKN 3887’ procedente di Venezuela cu 14 persona abordo, den awanan territorial de Aruba. Tur persona a intenta di drenta Aruba clandestinamente. Den bon cooperacion cu helikopter di KPA a dirigi e boto pa Marinierskazerne Savaneta. E kapitan i su ajudante den e caso aki a keda deteni i e resto di e tripulantenan a wordo traslada pa Warda nos Costa. Un caso cu a demonstra un bon colaboracion entre e dienstnan encarga cu frontera.
Detencion di 14 pasahero, kapitan y ayudante cu kier a drenta Aruba ilegal
