Un pelíkula kòrtiku ‘PAS’ tokante e testimonio impreshonante di Adino Koeiman
Un pelíkula kòrtiku, basá riba bida real, den kual Adino Koeiman ta kompartí su testimonio tokante e grandesa di Dios i e poder di Dios Su speransa.
Komo hóben Adino a lucha ku adikshon, droga, hòrtamentu, inmoralidat seksual, parandiamentu i problema ku lei. Pa hopi aña el a biba den skuridat huntu ku su ruman hòmber.
El a yega na un punto krusial den su bida kaminda e no tabata mira e salida mas. Den e momentu aki Adino a enkontrá ku e Dios bibu kual a trese un kambio imediato den su bida.
House of Worship Hulanda ta presentá e testimonio aki den forma di un pelíkula emoshonante entitulá “PAS”. E pelíkula kòrtiku aki ta produsí pa Pastor Chesron Richardson i dirigí dor di Jermaël Lanoy huntu ku ko-direktora Sharinette Martinez. E produkshon aki no tabata posibel sin kontribushon di tremendo aktornan, e tim di media, i diferente otro persona.
E pelíkula “PAS” ta lansa djasabra, 25 di Novèmber pa 19:00, na iglesia House of Worship Hulanda situá na Pretoriusstraat 56, 2987AK Ridderkerk.
E anochi spektakular aki siguramente lo bai ta unu bendishoná. Nos ekspektativa ta ku e pelíkula aki lo impaktá i inspirá hopi bida. E propósito prinsipal di e pelíkula ta pa primeramente halsa i glorifiká E nòmber di nos Salbador Kristu Hesus i ku hopi alma lo risibí speransa nobo.
Pa mas informashon, petishon pa un entrevista òf akseso na e estreno di e pelíkula, por tuma kontakto ku:
Chesron Richardson
0613195498
