Despues di a finalisa cu exito un estudio di un aña, diabierna ultimo, dies cuater aspirant a ricibi nan certificado di Wardacosta y nan diploma di agente Policial Extraordinario (BAVPOL), for di man di Director di Wardacosta di Caribe Hulandes, Walter Hansen y Alpha Falbru, Directora di ‘Opleidingsinstituut Rechtshandhaving en Veiligheidszorg (ORV).
E aspirinnan a ricibi e diploma y certificado durante un ceremonia na Marine basis Parera. Awor e aspirinnan ta agente di Wardakosta completamente desaroya y establece y nan ta bay reforsa e basenan di Wardacosta na Corsou, Sint Maarten y Aruba. E aspirinnan aki a cuminsa cu e estudio Basico di Wardacosta, e ‘Basis Opleiding Kustwacht’ (BOK) na augustus 2022. Durante e cuater simannan despues nan a ricibi nan formacion.
E asina yama periodo ‘Samen Sterk’ durante kua nan a keda di test tanto mental como fisicamente. Despues di e simannan di formacion a cuminsa e sobra di e formacion BOK i entre otro nan a ricibi lesnan basico di habilidad di tiro, habilidad noutico, habilidad di temanan huridico i procedemento nan di embargo. E aspirantnan a haña bastante retonan fisico, mental i teoretico i awor ta kla pa proteha i yuda e comunidadnan.
Durante e ceremonia tanto Director di Wardacosta, Walter Hansen como Alpha Falbru di ORV, a dirigi nan mes na e agentenan. Casi un aña e aspirant nobo nan a anticipa e dia aki. Despues di a lucha duro i pasa periodonan largo for di cas, awor nan por celebra nan logro. E diplomanan a yega i awor e trabou na Wardacosta por cuminsa. E agentenan nobo dentro di poco ta bay e puntonan di sosten di Wardacosta caminda hunto cu otro agente nan di Wardacosta nan lo bay traha riba lama.
