Bonaire Featured Saba St Eustatius Internacional

Diferente diploma i sertifikado otorgá na empleado di bombero na Saba, Sint Eustatius i Boneiru


Tur aña empleado di Kuerpo di Bombero Hulanda Karibense (BKCN) ta partisipá na entrenamentu i kurso pa mantené su konosementu i abilidat na nivel. Riba Dia di Bombero, dia 4 di mei último, e komandantenan lokal di Boneiru a otorgá un kantidat grandi di sertifikado i diploma na diferente kolega. Esaki tabata trata di
entrenamentu i kurso relashoná ku brantwer i no-relashoná ku brantwer.

Ademas, henter e kuerpo a haña un entrenamentu aña pasá pa asina por ta na altura
di e último konosementu- i téknikanan pa kombatí insidente. Ya a duna sertifikado
pa esaki. E komandantenan lokal di Boneiru ta orguyoso di nan personal i ta felisitá e
koleganan ku a logra haña su diploma i sertifikado den diferente área durante e
último periodo.

Kuater empleado na Saba a logra resientemente pasa su entrenamentu pa bira
shofùr operador di pòmp. E entrenamentu aki ta prepará e bomberonan pa manehá
e vehíkulo di bombero i pa operá e pòmp durante kombatimentu di kandela i
operashon di reskate. A entregá e diplomanan aki tambe riba ‘Firefighters Day’, dor
di komandante lokal Every: “Ta tremendo pa mira nos bomberonan sigui krese i
kontribuí na siguridat di nos komunidat. Mi ke animá nan pa sigui siña i deseá nan
éksito den nan karera na BKCN”.

Empleadonan na Sint Eustatius tambe a selebrá Dia Internashonal di Bombero. Riba
e dia aki un kolega a risibí su diploma pa logra e entrenamentu di shofùr operador di
pòmp. E desaroyo kontinuo di personal ta un punto sentral na BKCN. E komandantenan kier sigui stimulá i motivá nan koleganan pa sigui pone paso den nan karera.

Related posts

Misha Raymond (RAIZ) : Mi no por sinta na parlamento y dies firma un brevet van onvermogen

EA News Author

Boneiru tin 113 kaso aktivo di Covid-19 riba 16 di yanüari 2021

EA News Author

Ban cera conoci cu Candidata No. 2

EA News Author

1 comment

Leave a Comment

Whatsapp Message