SocialFeaturedLocal

Diferente presentacion pa mucha

Biblioteca Nacional 4 1

Biblioteca Nacional Aruba ta invita tur docente pa prepara pa su Festival di Buki pa
Mucha, Den tayer ta duna guia y idea na e maestro con pa stimula mucha pa lesa mas y
lesa hunto den klas. Esaki ta accesibel riba biblioteca su website y YouTube channel.
Facilitadornan pa e tayer ta sr. Mirto Laclé, Richard Dabian y sra. Rosy Abreu.

Diferente autor, ilustrador y otro profesional ta duna presentacion durante e siman di 8 pa 11 di
november. Esaki pa duna mucha idea kico tur nan por bira dia nan bira grandi. Asina tin
presentacion di Surfer y deportista Sarah Quita Offringa y sr. Edward Cheung. Autornan di buki
pa mucha for di Hulanda ta: Lizzy van Pelt, Annemarie Jongbloed, Petra Heezen (ilustrado),
Jeroen Hoogerwerf y Evelien van Dort. For di Corsou lo tin sra. Mercee Doran y Tio Ali.
Talentonan local cu ta inspira mucha pa lesa ta: Robby Solognier (ilustrado), Lorena
Boekhoudt-Almary, Maribelle Arends y James Ocalia.

Actividadnan di Festival di Buki pa Mucha 2021 ta den luz di e tema ‘Kico bo kier bira dia bo
bira grandi?’ Tin un bunita exposicion na biblioteca na Playa y San Nicolas. Muchanan por
disfruta di diferente presentacion riba pantaya di profesionalnan cu ta conta algo di nan trabou.
Tur mucha por wak e apertura via TeleAruba (canal 13/23) diabierna dia 5 di november pa 7or.
Si no ta logra pa wak e ora ey por wak e ripiticion diasabra dia 6 di november pa 11or di mainta
of diadomingo dia 7 di november pa 12or di merdia.

Biblioteca Nacional 1 1 ScaledBiblioteca Nacional 2 1Biblioteca Nacional 3 1Biblioteca Nacional 4 1

Related posts

For di Juni te cu april 2021 Aruba a ricibi 310 mil bishitante

EA News Author

Decision a cay na Hulanda cu garantia nacional di hypotheek na Boneiro lo subi di 25 mil pa 305 mil dollar

EA News Author

Pastor Marcel Balootje: Ban busca e bondad di Dios, pa nos bida, hogar y famia.

EA News Author

Leave a Comment

Whatsapp Message