Minister demisionario di Husticia Rocco Tjon ta e mandatario cu e ricibi e cartera di ex minister Glenbert Croes despues cu a keda deteni y cu mester a atende cu su caso. Segun e mandatario lo sigui atende cu e asuntonan cu ta “lopende zaken “. Tambe a reuni cu gran parti di e departamentonan caba pa scucha di nan banda kico ta e preocupacionnan cu tin. Tambe a reuni cu e conseheronan principal di ex minister Glenber Croes cu awo ta conseha minister Rocco Tjon pa asina keda atende e lopende zaken pa tur loke cu mester haya atencion haya esaki.
Sinembargo un di e decisionnan cu si a tuma luga ta cu a duna e mandato bek na DIMAS y DPL unda cu nan ta tuma nan responsabilidad y firma tur cos segun regla,ley y maneho. Segun minister Tjon e maneho no a cambia y segun e maneho tur e casonan lo keda atendi door di e departamentonan mes.