Por medio di e comunicado aki Departamento di Infrastructura y Planning DIP, ta informa e comunidad di Savaneta tocante di e tereno cu un pier entre antes Brisas del Mar y un cas di famia. DIP ta informa cu no tin ningun motibo pa preocupacion pa cu acceso na e tereno aki y e pier cu ta wordo uza pa piscado y famianan pa landa. E tereno aki ta di Gobierno y ta disponibel pa e comunidad di Savaneta y besindario. Ademas no tin ningun peticion andando pa haci e tereno erfpacht tampoco y si tin mes e lo no wordo otorga. Pues tanto e tereno como e pier tin acceso liber pa publico y e lo keda asina tambe. Pa cualkier informacion adicional por tuma contacto cu DIP libremente via e mail info@dip.aw.
DIP: Tereno na Savaneta banda di antes Brisas del Mar ta y lo keda Publico
