En conexion cu Dia di Himno y Bandera,
Nos ta acercando Dia di Himno y Bandera y ya full rond di Aruba por sinti e amor patrio di nos Arubianonan y esnan cu a haci di Aruba nan cas. Movimiento Electoral di Pueblo (MEP) ta uni su mes na e sentimento aki y ta extende un invitacion na Pueblo henter pa celebra Himno y Bandera diabierna 17 di maart cu nos na Cede di MEP na unda cu lo hisa e bandera di Aruba di mas grandi riba e isla.
E celebracion lo cuminsa pa 11’or di anochi y termina pa 1or am. Lo tin entretenimento musical y Bar y Cushina bon surti. Lo tin tambe un ceremonia cu discursonan di Lider y algun candidato di MEP. Pa 12’or di anochi lo hisa e Bandera mas grandi di Aruba bao canto di nos Himno ‘Aruba Dushi Tera’. Di e manera aki, Partido MEP ta yama bon bini na 18 di maart 2023, dia di nos Himno y Bandera.
