BonaireFeaturedInternacional

Diputado encarga cu naturalesa a topa cu plataforma di naturalesa Boneiro pa colaboracion

Eng Commissioner For Nature Meets With Bonaire Nature Platform For Collaborative Dialogue.3

Na directorado di planificacion y desaroyo, sr Hennyson Thielman, diputado encarga cu naturalesa, tabatin un encuentro cu representantenan di organisacionnan prominente di preservacion y recuperacion di naturalesa na Boneiro. Un cunukero local cu un di e parcelanan mas grandi di perima cultura na Boneiro tambe tabata presente. E encuentro aki a pone enfasis riba e dedicacion continuo di entidad publico Boneiro na un acercamento integra di proteccion di medio ambiente na Boneiro. 

E meta principal di e encuentro tabata pa laga e organisacionnan di naturalesa cera conoci cu e diputado y e empleadonan publico envolvi. cada organisacion a presenta su trabou y prioridadnan, loke a conduci na un intercambio fructifero di idea y strategia. esaki ta marca inicio di un colaboracion prometedor. Diputado Thielman a enfatisa: ‘recuperacion efectivo di naturalesa na Boneiro ta exigi colaboracion, esfuersonan coordina y un vision riba termino largo. Mientras nos ta progresa, ta importante pa haña ekilibrio entre e diferente sectornan di nos comunidad y e diferente interesnan, y pa continuamente aspira pa yega na solucionnan cu ta faborabel pa tur hende.’

Diputado Thielman a anuncia tambe e plannan pa un cumbre di naturalesa, y  dentro di poco ta sigui mas detaye tocante esaki. e cumbre di naturalesa aki ta habri pa aporte, no solamente di organisacionnan di preservacion di naturalesa, pero tambe di sectornan manera agricultura, pesca i turismo. obtene conocemento durante e cumbre di naturalesa aki lo hunga un rol crucial den dunamento di forma na e strategia di naturalesa i desaroyo di Boneiro, caminda ta sigui edifika riba maneho existente.

E organisacionnan cu a participa na e encuentro dia 8 di september ta encera varios obhetivo di proteccion di naturalesa, manera preservacion di e palma sabal endemico di Boneiro di parti di bon berde, recuperacion innovativo di coral di parti di reef renewal foundation, i otro organisacionnan di naturalesa manera STINAPA, Caribenan speleological society, echo fundacion, sea turtle conservacion Bonaire i e departamento Hulandes Caribense di wwf.

Mientras Boneiro ta brasa practicanan sostenibel, e iniciativanan aki ta pone enfasis riba envolvimento di nos comunidad cu proteccion y fortificacion di e biodiversidat diverso di nos isla. esaki na su turno lo mester sostene e medionan di existencia, siguridad di cuminda y resiliencia contra cambio di clima.      

Related posts

E adulto mayor tambe ta Inclui den plan di preparacion pa un posibel horcan?

EA News Author

Aruba ta subi WHO su lista di ports autorisa pa otorga Ship Sanitacion Certificate

EA News Author

Tourism Corporation Bonaire ta firma MOU cu talentonan local pa promove Boneiro

EA News Author

Leave a Comment

Whatsapp Message