KRALENDIJK, Bonaire
Diputado James Kroon a batisá un mulina nobo di LVV. Despues di e boutiso Kroon a mustra esnan presente kon e mulina ta pòmp awa i laga e kore. Esei a sosodé durante un aktividat na LVV. LVV a kuminsá algun tempu pasá ku plantamentu di berdura. Esaki ta bou di guia Maurice Adriaens, hefe nobo na e departamento. “Awor ku a instalá un mulina nobo, ta spera ku pronto lo por mira kosecha, asina diputado Kroon a bisa. Kroon a felisitá tur trahadó di LVV ku e mulina nobo. El a gradisí e trahadónan tambe pa nan trabou den pasado i presente.