Direktorado di Planifikashon i Desaroyo (R&O) a kuminsá ku limpiamentu i spulamentu di e sistemanan di drenahe na diferente sitio na Boneiru. E mantenshon akí ta importante pa sòru ku awa di yobida por kore bai bon, prinsipalmente durante temporada di áwaseru.
E sistemanan di drenahe ta fangu awa di yobida i ta laga esaki kore bai via tubunan bou di tera. Si esakinan vèrstòp ku tera, blachi di mata òf shushi, awa por keda para riba kaya. Esaki ta sòru pa molèster i situashonnan peligroso.
Ta hasi e trabounan di limpiesa den diferente fase, di manera ku mas tantu kaya posibel ta prepará na tempu pa yobida pisá. Durante e trabounan por sera sierto partinan di e kaya òf e sistemanan di drenahe no por ta alkansabel. Nos ta supliká usuarionan di kaminda pa tene kuenta ku esaki i sigui instrukshonnan di nos empleadonan.
Dentro di poko nos ta kuminsá ku limpiesa di roi tambe. Esaki ta kontribuí na un mihó desagwe i ta redusí riesgo pa molèster di awa den i rònt di barionan residensial.
Direktorado di Planifikashon i Desaroyo ta gradisí nos komunidat pa e komprenshon i koperashon.
