[vc_row][vc_column][vc_column_text]Parlamentario Miguel Mansur (Lider di fraccionAccion 21) hunto cu Parlamentario Rycond Santos Do Nascimento (independiente) a haci entrega di un carta na su excelencia Gobernador, tocante RAft.
Despues di entrega e carta banda di 11or di mainta a tene un conferencia di prensa dilanti di oficina di su excelencia Gobernador.
E motivacion tras di e carta ta pa e preocupacion di pueblo y nan como representante di pueblo ta pa proteha e interes di pueblo. Nan ta wak manipulacion di parti gobierno unda prome Minister di estado a informa cu no tin un mayoria pa e RAft y despues a comunica na e staff secretary cu Aruba ta habri na e Raft, e prome mandatario suspende reunion prome cu oposicion por a entrega un emocion cu por a forsa un voto pro of contra e Raft.
Ora di wak e ley mes ta wak e oportunidad cu Aruba por scapa e 30 miyon florin di interes, Na 2010 Hulanda a ofrece Aruba e prestamo cual a ser nenga y e suma di 2 miyon florin esey kiermen cu ta pagando riba e interes na nivel di Mercado esey kiermen cu ta costa cada arubiano riba 30 mil florin di interes. Awo tin e oportunidad di refinancia e debe pero e preocupacion ta cu e RAft ta caduca fin di aña y ta preocupa pa e berdadero intencion di gobierno
E siman aki minister lo ta entregando e presupuesto 2024 cu un aumento di gasto di 112 miyon florin ora cu bo ta pensa cu nan a bati pueblo cu dos medida e aña aki pa recauda 110 miyon florin extra, awo nan ta bay gasta e placa caba.
Fuera di tur esaki tin varios rumor tocante pension cu si esaki lo subi of si pa 2025 esaki lo por bay bancarota. E importante ta pa sanea e finansa publico y cu asina por sigui traha riba e problemanan real di Aruba pa por sigui sanea e otro problemanan, segun Parlamentario Miguel Mansur.
E situacion real di Aruba ta di preocupa y si ta wak di tempo di Status Aparte te cu awo unda e partido geel of berde tabata tin e mayoria absoluto di voto a duna mal administracion financiero. Hulanda kier duna nos e financiamento na un interes normal cu abo merece abase di bo situacion financiero y con esaki ta. Hulanda ta duna e ayudo pa por bay na un rumbo nobo pero nos mes tin cu yuda nos mes. Y door di esaki ta urgi e gobierno y Gobernador pa papia cu e gobernantenan ya cu e interes di pais Aruba ta asina importante pa keda hunga politica cu ne, segun Parlamentario Rycond Santos Do Nascimento.
Copia di e carta pa Gobernador lo ser manda pa:
sra.HankeBrins Slot, Minister van BinnenlandseZakenenKoninkrijkrelaties
sra. Alexandra van Huffelen, StaatssecretarisKoninkrijkrelatiesenDigitalisering
sra.WiekePaulusma, ondervoorzitterCommissieKoninkrijkrelatiesTweedeKamer
sr. Paul Rosenmoller, voorzitterCommissieKoninkrijkrelatiesEersteKamer
sra.EvenlynWever- Croes, minister-president di Aruba
sr. EdgardVrolijk, voorzitterParlamento di Aruba[/vc_column_text][/vc_column][/vc_row]
1 comment
[…] Source link […]