ORANJESTAD.Aruba
Den combersacion cu prensa parlamentario Mervin Wyatt-Ras a trece padilanti cu ela manda 8 pregunta pa minister di Salibridad cu e peticion pa e contesta tanto verbal como por escrito. Wyatt-Ras su preguntanan ta dirigi riba e malesa Coronona di cual esnan cu a ser afecta cada minuut ta aumenta. Ayera tabata 600O cu 131 morto na Wuhan China. E malesa no a keda solamente na China sino ta traspasando fronteranan. E ta na EU, Canada, Finland, Alamania, Vietnam y Japon caba.
Nos a pasa e ley di infectieziekten den parlamento cu ta haci posible cooperacion efectivo cu IHR. Esaki den cooperacion cu pais an den Reino. Corona ta un virus cu ta parse un griep y tin symptomanan parecido na griep cu nannishi cu ta core, infeccion redpiratorio, tosamento, dolor di garganta y den cierto ocasion keintura. e consequencianan ta drastico. E ta un virus procedente di e.o. parjanan exotico, semejante na SARS cu tabatin hopi consequencia.
Wyatt-Ras ta preocupa paso en especial cu nos ta un pais turistico cu ta ricibi hopi pasajero y turista y tin hopi intercambio di hende, nos no por permiti nos mes di tin e virus aki. Nos ta vulnerable paso un cantidad di hende di tur caminda ta drenta Aruba diariamente. Ta keda un reto pa wak con ta proteha nos pais pa entrada di Corona. Ya caba a ser insinua cu tin un caso na Aruba, aunke esaki a ser desmenti di di
Departamento di Salubridad pa medio di dr. Salazar. Wyatt-Ras a haci e siguiente preguntanan.
A tuma medidanan pa preveni entrada di e virus Aruba, tin reinionnnan di cooperacion entre instancianan y paisnan den Reino pa segun International Health Regulations(IHR) bin cu medidanan preventivo?Con ta senjala na aeropuerto y dor di ken? Cua ta senjalnan? Kico lo haci pa informa nos pueblo encuanto senjalnan y kico pa haci? Tin ya caba un protocol di kico pa haci? Ki stap lo tuma ora constata e virus serca pasajero? Hospital y otro instancianan ta suficiente prepara pa anda cu e virus aki?
Segun e parlamentario gobierno, especialmente e minister di Salud mester ta mas transparente y informa Parlamento y comunidad. Wyatt-Ras ta sesea di haya su contestanan tanto verbal como por escrito for di minister. E ta spera cu Presidente por mira e urgencia di e asunto aki y pa e minister aki por bin parlamento pa duna splicasion.