E aumento di ayudo ta forma parti di un pakete di 30 miyon di euro aproba pa e gabinete na Den Haag pa mehora e poder di compra y reduci e carga financiero di e residentenan di Statia, Bonaire y Saba. Esaki lo subi na 32 miyon euro pa aña for di 2025.
Beneficionan pa mucha ta hunga un rol vital den duna asistencia financiero na mayornan den necesidad, y ta yuda compensa e gastonan relaciona cu criamento di mucha y ta sigura un miho calidad di bida pa tur mucha”, Reuben Merkman, e comisionado di e isla responsabel pa e area social, a bisa. E aumento aki lo contribui grandemente na yuda famianan reduci nan carga financiero, y mehora e bienestar general di e muchanan di Statia. Nos ta gradici e secretario di estado, Alexandra Van Huffelen, y tur esunnan cu a yuda sigura e pakete aki.
Ademas di e aumento di e subsidio pa mucha, e subsidio di energia di $1.300 pa aña lo keda na vigor, mescos cu e subsidio pa electricidad i awa. E tarifa di internet lo baha ainda mas, y e fondonan extra lo bay pa mehoracion di transporte publico. Segun secretario di estado Van Huffelen: “Pa hopi hende na Bonaire, Saba i St. Eustatius, un dak riba bo cabes, cuminda riba mesa of necesidadnan extra pa mucha no ta algo cu bo ta hana.
E gabinete aki ke haci algo tocante esey. Mi ta contento cu hunto cu mi coleganan Carola Schouten nos a logra pone un cantidad di placa na banda, no solamente pa e aña aki, pero tambe pa e añanan binidero, pa mehora bida di e habitantenan di e tres islanan. Pa cuminsa, dor di sigui aumenta beneficionan, pero tambe dor di sigui contribui na servicionan basico manera awa i electricidad. Nos no a yega ainda, pero e ta un siguiente paso importante pa combati pobresa na e islanan. Mi ta spera cu ansiedad e conclusionnan di e Comision di Minimo Social. Sabiendo cu gobierno central, dunado di trabou, entidadnan publico i habitantenan ta rekeri otro desesperadamente pa crea un nivel igual di servicio i baha e prijs di bida. dossierkoninkrijksrelaties.nl
