Parlamentario Edgar Vrolijk ta duna di conoce cu na momento cu bo ta scoge pa bira un parlamentario bo mester tin conocemento di ley y di bo historia. Aparentemente fraccion di AVP y FUTURO no tin conocemento pa kico nan ta sinta den parlamento di Aruba sinembargo nan interes ta pa cobra.
Si mester mira e movecion cu presidente di parlamento a haci te ainda no ta cumpliendo ya caba a pasa dos siman cu a schors un reunion y no a bin bek pa trata e Rijkswet.
Fraccion di AVP cu ta e fraccion cu no a manda yama e reunion di Rijkswet presidente di parlamento a para e reunion pa dos siman paso fraccion di AVP y FUTURO no sa e materia y mester dos siman pa atende cu e reunion, sinembargo dos siman a pasa ainda no a yama e reunion y presidente di parlamento ta bula bay Hulanda.
Parlamentario Edgar Vrolijk ta indica cu e grupo aki ta un grupo sin consenshi cu a bula bay parlatino y cu e unico cos cu nan tin den nan mente ta cobra nan salaris y biaha y disfruta di e puesto presta cu pueblo a duna nan. Pero e beneficio pa nos Pais pa Aruba bay dilanti no ta biba den nan pensamento y curason.
Ta increibel pa pensa cu presidente di parlamento ta cancela un reunion asina importante pa parlamento di Aruba haya informacion debati trece mosionnan y amiendanan pa asina guia e gobierno riba loke ta e futuro di Pais Aruba, presidente di parlamento Marlon Sneek no ta yama e reunion pero ta bula bay reunion di IPKO unda cu nan mes a kibra tur e acurdonan cu tin palabra den IPKO.
Un otro manera cu por para e Rijkswet aki tambe ta cu si yama un reunion publico y cu parlamento completo vota contra di e ley aki ta un manera tambe cu por para e ley aki. Awor aki no mester pensa riba partido mester pensa riba Aruba su futuro. T aun berguensa cu parlamentarionan ta scoge pa bay parlatino y no resolve e problemanan cu tin den cas manera e punto crucial cu Aruba ta den dje cu ta e Rijkswet.. Parlamentarionan den parlamento ta lubida e poder cu nan tin como parlamentariuo. Na ningun momento gobienro por manda riba parlamento , pero ta lo contrario , pero ta bisto cu parlamentarionan di AVP y FUTURO ta parlamentarionan nobato y ta laga pa gobierno uzanan como marioneta y ta vota segun gobienro biisa pa nan no perde nan stoel y of salario lubidando cu e puesto ey no ta pa semper, pero cu e desicion cu si nan vota pro e Rijkswet ta un desicion pa semper lo perhudica Aruba.
Den e reunion nan porta cera den e notulanan ta papia bon cla cu e reunion ta un reunion di informacion y cu ainda ta trahando riba dje pero cu lo bin bek ora cu tur cos ta cla pa asina parlamento por debati y trece amienda y mosionnan necesario pa asina vota tambe si ta acepta e Rijkswet. Sinembargo despues di e reunion informativo nunca mas minister a bin trece e concepto di ley ora e ta cla, pero e trece esaki despues cu a entrega na Hulanda caba.
Parlamentarionan di AVP y FUTURO ta parce cu nan no tin un sentimento pa Pais Aruba y nan no ta balora nan propio pais y respeta loke nos grandi a traha pa nos cu ta e caminda cu nos ta cana awe, cu nos tin e libertad di awe.