Parlamentario Edgar Vrolijk ta indica cu unabes cu Aruba drenta e ley di reino aki practicamente bo no ta Sali mas, e mito cu ta ser bisa cu Aruba ta Sali di e ley di Reino aki ta practicamente un mentira.
Un di e “voorwaarden” den e ley ta cu Aruba mester yega 50% di bo GDP di debe na 2035 cu ta aki 10 aña, banda di esaki bo mester tin tres aña consecutivo Aruba mester tin e begroting na ordo cumpliendo cu e normanan e ora ey probablemente kisas Aruba tin un chance di pidi Hulanda pa Sali di e Rijkswet., asina mes mester por pidi Tweedekamer na Hulanda si Aruba mag di Sali.
Sinembargo Corsou y St Maarten a pasa e parti aki caba na momento cu nan ta cla pa Sali di e Rijkswet ora e pais nan pidi , Hulanda ta keda pone abou cu no por Sali paso tin interes ainda, dicon , paso a presta placa di Hulanda na un interes mas abou. Esaki ta loke cu Corsou y st maarten a pasa den dje caba.
Parlamentario Edgar Vrolijk tabata bon cla cu si e ley di Reino pasa Aruba no lo Sali mas di dje. Dia Aruba lo haya e derecho di Sali di e Rijkswet ya caba Aruba tin un 15 pa 16 aña ta pagando e fiansa cu e gobierno di AVP-FUTURO kier aunke cu Aruba tin surplus cu no tin mester di fia placa di Hulanda.
Hulanda a abusa di Aruba na e momento cu mas Aruba tabatin mester di dje cu tabata den e momento di un pandemia mundial di COVID a presenta na Aruba, enbes di cu Hulanda cumpli cu e statuto cu e palabracionnan haci den Reino no a haci esaki pero a scoge pa castiga Aruba. Awe na momento cu e ley pasa na Hulanda Aruba ta bay depende di 150 parlamentario den Tweedekamer y no e parlamentarionan di Aruba mas.