Gobierno di AVP –FUTURO a kibra tur proceso democratico di Pais Aruba, practicamente gobierno di AVP –FUTURO a kibra Pais Aruba. Tur loke ta proceso democratico di Pais Aruba cu ta parlamento di Aruba cu tin cu funciona e gobierno di AVP –FUTURO a hala esaki un banda, pero e modus operandus aki ta inaceptabel pa nos Pais.
Parlamentario Edgar Vrolijk ta indica si nos mes como Pais y como Arubiano nan cu ta bibando aki na Aruba y como gobernantenan y como parlamentarionan ta permiti pa gobierno hala nos como parlamento un banda, ken lo respeta nos.
Parlamento di Aruba a pidi un reunion 7 luna pasa riba e Rijkswet y no a haya esaki segun ley y regla ta stipula unda cu presidente di parlamento Marlon Sneek a kibra tur ley y regla di parlamento di Aruba. Sinembargo Parlamento mes a scoge Marlon Sneek bek como presidente di parlamento esaki ta debi cu e mes lo mester bay paga e candela cu e mes a crea di traha contra ley y regla di parlamento di Aruba.
E mal echo cu gobierno di AVP-FUTURO a haci ta di bay Hulanda entrega e concepto di ley na RijksministerRaad sabiendo cu tin un reunion pendiente cu parlamento y no a yama e reunion aki pa trata e Rijkswet, pero mas bien a yama e reunion riba diabierna 29 augustus 2025 despues cu ya caba nan a entrega e concepto di Ley sin bin parlamento , pero a gaña Hulanda cu e reunion a tuma luga. un reunion no publico pero cera pa duna informacion y na unda cu e Minister Geoffrey Wever den e reunion mes a bisa cu e no por duna mucho informacion paso ta den negociacion ainda, pero despues di e reunion cu a indica cu ta den negosacion ainda y cu no por duna mucho informacion no a bin mas parlamento pero a bay directo Hulanda y a keda sin duna parlamento informacion y despues cu a entrega Hulanda Aruba a bin parlamento pa parlamento duna su punto di bista cu practicamente no tin balor mas.
Parlamento y tampoco pueblo di Aruba no ta na altura di nada di loke tres politico esta Mike Eman, Geoffrey Wever y Gerlien Croes a haci cu Aruba. Na ningun momento a consulta cu pueblo cu lo firma un Rijkswet y mayoria di e politiconan tabata no na un Rijkswet , pero e unico partido cu ta partido FUTURO tabata pro pa un Rijkswet. E manera cu a trata pueblo di Aruba y traha tras di porta preto y scondi no ta e manera pa dirigi un Pais.
Parlamentario Edgar Vrolijk ta indica cu conoce e proceduranan di un Rijkswet ta indica cu awo cu e la keda entrega y despues di e internet consultatie e ta cana caminda di Raad van Staten y despues di esaki si Hulanda kier nan ta haci cambionan na dje y despues di esey Aruba ta haya e concepto.
Na momento cu e concepto aki yega Aruba e parlamento di Aruba no tin nada mas di bisa, e unico cos cu por traha ta un verslag mes un cos cu ta traha na parlamento, e verslag ta bay Hulanda y nan lo contesta bek y unabes cu Hulanda contesta esey kiermen cu e ley ta cla pa keda atendi den parlamento Hulandes unda cu 150 parlamentario Hulandes cu ta representa e pueblo di Reino cu no conoce Aruba y cu nunca a bin Aruba ta dicta y dicidi riba loke ta pasa na Aruba.
E berdad ta cu gobierno di AVP –FUTURO a kita e autoridad di Parlamento y awo cu e ley pasa e parlamentario cu abo como votador ta vota pe y cu abo como cuidadano di Aruba tin confiansa den e parlamentario cu bo a vota pe y cu e por haci algo pa abo como ciudadano di Aruba , esaki no lo ta bay por mas, despues cu e ley pasa ta e 150 parlamentarionan Hulandes na Hulanda lo dicidi pa abo como un Arubiano aki na Aruba.
Cada bes cu parlamento of cualkier parlamentario kier trece un cambio den presupuesto di Aruba of si mester mas placa pa drecha cierto camindanan y cu parlamento di Aruba mester bin cu un amienda, no por haci esaki mas den parlamento di Aruba , pero mester manda e amienda Hulanda y den Tweedekamer na Hulanda ta dicidi y aproba e amienda y si Hulanda aproba e amienda e ora Aruba por destina e placa riba begroting. Esaki ta significa cu enbes Aruba a avansa den tempo, Aruba a bay atras den tempo prome cu 1986 unda cu Aruba tabata bou di Corsou.
https://www.youtube.com/watch?v=HwJINfGVm04