For di 22 te cu 31 di januari 2025, e ehercicio ‘Caribbean Djokja’ ta tuma luga na Corsou. Mas cu 120 Militar y 30 vehiculo di Defensa ta trein durante e ehercicio aki nan ta plama rond e isla. E Militarnan cu ta participa ta procedente di ‘Compagnie in de West’ cu ta un unidad di Defensa den Region Caribe, cu tin nan rotacion cada cuater luna. E unidad aki, cu e nomber ‘13 Delta Compagnie’, ta staciona na Corsou desde November 2024.
E ehercicio ta consisti di dos parti un asina yama ‘Field Training Exercise (FTX)’ Ehercicio riba Tereno Habri y un ‘Live Fire Exercise (LFX)’ Ehercicio Practico di Candela. E scenarionan di ehercicio ta tuma luga na diferente localidad, tal manera Tereno habri na Hato, Playa Fuik, Koraal Tabak, St. Cruz y Wacao. E Militarnan ta move entre e localidadnan cu vehiculonan Militar y ta drumi na sitionan stratégiko plamá rònt e isla. Kòrsou ta brinda sirkunstanshanan ku desafio, tal manera e clima cayente y diferente paisahe, cu ta perfecto pa prepara Militarnan pa misionnan real. Pa medio di trein riba terenonan desconoci e Militarnan ta siña pa haci cambionan rapido y pa traha miho hunto, den citacionnan compleho. Durante Caribenan Djokja Militarnan ta mehora nan tecniconan di combati, nan ta aplica tecnologia nan nobo y nan ta optimalisa e cooperacion entre nan. Danki na e sorto di ehercicionan aki Militarnan por actua na un forma flexibel y eficaz, na e sitio y na e momento cu esey ta necesario.
