BonaireFeaturedInternacional

Anochi Ku Luna Yen riba djasabra 3 di yüni, na kas di Lourdes Juan Pedro (Mamalu) na Rincon

Anochi Ku Luna Yen Riba Djasabra 3 Di Yuni

Ku tema “Ban drenta naturalesa di Rincon”

Sekshon di Kultura, Arte i Literatura (SKAL) i Komishon Di Luna Yen ta kontinuá ku aktividatnan segun su kalènder kultural. Riba djasabra 3 di yüni 2023 lo tin e evento ‘E Anochi Ku Luna Yen’ di 7or pa 9or di anochi na kas di Lourdes Juan Pedro (Mamalu) na Rincon. E tema di e anochi ta “Ban drenta naturalesa di Rincon“. Un anochi ku poesia bou di e luna yen. Anochi ku Luna Yen ta un evento sosial di pueblo i pa pueblo, pues un i tur ta kordialmente bonbiní.

 Personanan di Playa ku mester di transporte por hasi uso di un bus ku ta sali for di SKAL 18:00-or pa bai Rincon. Ta pidi tur esnan ku ke hasi uso di e servisio di transporte pa hasi reservashon na tempu na SKAL òf yama +599 715 5323. Di e forma aki nos por hiba un mihó komunikashon ku otro.  

Manera semper, ta keda liber na kada bishitante pa trese algu di boka dushi pa kompartí ku otro bishitantenan i un súplika pa tur hende bini ku nan propio stul. No neglishá bo kapasidat i bin demostrá ku bo por. Nos ta apresiá i respetá tur obra, ku eksepshon di palabranan bulgar, polítika, problemanan personal i tur loke ku no ta kuadra ku e meta di e evento.

Anochi ku Luna Yen ta un inisiativa ku a nase den pasado for di algun siudadano ku gran pashon pa nos idioma papiamentu. SKAL ta keda pone énfasis ku meta prinsipal di e evento pa stimulá otro pa skirbi, deklamá, konta storia, kanta òf presentá obranan kòrtiku na papiamentu.

Pa mas informashon por tuma por tuma kontakto ku kolaboradónan:

Magali Sumter;  +599 9 565 0947

Ubaldo Anthony; +599 717 4935

Orlando Francisca;   +599 786 2131 òf +599 7962131

SKAL; +599 715 5323

Related posts

Arte di Palabra Boneiru ta gradisí

EA News Author

AHATA Excellence 2021 Awards lo reconoce empleadonan excepcional

EA News Author

Kompetensia di Arte di Palabra Bonaire djasabra awor

EA News Author

1 comment

Leave a Comment

Whatsapp Message