Pa mas di un decada, Paseo Herencia a compromete su mes pa yuda y inspira hobennan talentoso di Aruba pa logra nan meta den deporte y educacion. Aña aki, e mall ta orguyosamente amplia su programa cu un edicion nobo: Gift of Arts, un iniciativa dedica pa apoya y stimula nos hobennan den arte y entretenimiento.
Gift of Arts ta un programa nobo pa 2025 cu ta sigui e mesun mision di e edicion di Sports: duna sosten financiero na hoben talentoso den arte creativo, incluyendo danza, teatro, musica, arte visual y otro forma di expresion artistico. E programa lo ofrece un donacion pa yuda cubri gastonan relaciona cu nan desaroyo den e ramo artistico – ta trata di inverti den talento creativo local cu por representa Aruba den forma cultural y educativo.
Di mas di 10 aña, Paseo Herencia ta sostene e comunidad pa medio di su programa Gift of Education, cu ta yuda studiantenan cu ambicion academico, y den 2023, cu Gift of Sports, cu ta ofrece sosten pa atletanan cu nivel y meta internacional. Aña aki, e Gift of Arts ta agrega un dimension nobo pa reconoce cu talento ta bin den hopi forma – no solamente den klas of riba veld, pero tambe riba e escenario y den studio di arte.
Modo di Aplicacion
Esnan cu ta desea aplica pa Gift of Arts mester:
• Entrega un carta di motivacion caminda ta splica nan meta y pasion den e mundo di arte.
• Manda un video creativo cu ta destaca nan talento, historia y logronan principal.
• Entrega un CV cu ta splica nan trayecto den arte.
• Inclui un carta di aceptacion di un programa of scol den e area di arte y entretenimiento.
Tur documento mester wordo manda via email na marketing@paseoherencia.com antes di 31 di juli 2025
Un mensahe pa nos hobennan creativo
Sea bo ta un studiante den danza, musica, arte visual of teatro, e Gift of Arts ta un oportunidad real pa avansa bo carrera y wordo reconoci local y internacionalmente. Hunto cu Gift of Education y Gift of Sports, nos ta spera pa sigui inspira un generacion nobo di lider, atleta y artista Arubano.
Paseo Herencia ta kere den bo talento – aplica awe mes y sigui bo caminda pa exito.