ORANJESTAD,Aruba
Durante un conferencia di prensa, e organsiacion Fundacion Anti Droga Aruba, FADA, hunto cu nan partnernan, a anuncia e proyecto di Carrousel 2020 cu ta specialmente dirigi riba studiantenan di scolnan secundario. Carrousel ta un programa cu FADA ta pasa cun’e na scolnan secundario unda cu ta suministra informacion na e hobennan pa conscientisa nan riba e uzo di droga y alcohol. Ya caba for di aña pasa FADA a cuminsa tuma contacto cu scolnan pa mira cualnan ta interesa pa participa den e programa. E resultado, segun director di FADA sra. Arends, tabata hopi positivo pasobra mesora a cuminsa haya confirmacion y aworaki tin solamente dos fecha habri. No solamente FADA ta participa den carrousel di informacion pero tambe personal di DBZ, Telefon pa Hubentud, Wit Gele Kruis y inclusive Duana.
Ya pa varios aña caba, Fundacion Anti Droga Arubano (FADA) ta bin cu e famoso “Carrousel” cual ta conforma pa un team di profesionalnan trahando den diferente fundacion y cu ta uni pa asina trece informacion relevante y pa conscientisa e hobennan durante e temporada di carnaval. Nan ta acerca diferente scolnan secundario pa asina nan haya informacion di cada un instancia pa locual ta trata e temporada di carnaval. Sra. Rulienne Arends, Trahado Preventivo di FADA, ta amplia mas ariba esaki.Cada un instancia lo papia ariba nan topico y esaki ta link e hopi na Carnaval. FADA a uni forsa tambe cu DVG. Cada un di e instancianan cu ta bay duna nan presentacion lo bay duna tur hende un conseho pa nan corda cu decisionnan cu nan ta bay tuma, vooral den temporada di carnaval, aki par di luna por tin un consecuencia: sea positivo of negativo.Pa loke ta trata FADA, e focus principal lo ta alcohol, cual ta e droga cu ta bin mas dilanti durante e temporada aki. No solamente bou di hoben, pero tambe bou di adultonan. Pa esaki a scoge un biaha mas pa haci e presentacion di alcohol. Sin lubida e parti di droga cu ta bin dilanti, pero e parti di droga otro fundacionnan lo elabora ariba e tema aki.