Recientemente y despues di a ricibi tur e alumnonan e prome dia di scol, Filomena College Mavo a tene su dia di actividad pa e alumnoman di e diferente klasnan. Ciclo Basico 1 y 2 a bishita Principal Theatre. Nan a disfruta di e pelicula Jungle Cruise. Ciclo Avansa 1 a bay haci un tayer di motivacion den Theresita Center duna pa e talentoso Jhon Freddy Montoya. Pa medio di entre otro pintamento e muchanan por a descubri cosnan di nan mes cu kizas nan no tawata conoce. Ciclo Avansa 2 a haci un caminata den naturalesa den Parke Aruba (Arikok) den cual nan a reflexiona riba e naturalesa di Aruba y e union di nan klasnan. E muchanan tawata tur bao guia di nan mentor- y demas maestronan.
