Frontera marítimo ku venezuela ta habrí for di 3 di aprel 2023 cu Boneiro

Dia 31 di yanüari 2023 e di tres konsulta tékniko entre Reino Hulandes i
Venezuela a tuma lugá. Entidat Públiko Boneiru, huntu ku Aruba, Kòrsou i Hulanda, a
forma parti di e delegashon di Reino. Dia 19 di febrüari 2019 Venezuela unilateralmente a
sera frontera ku e islanan ABC i un biaha mas a sera espasio aéreo te 30 di aprel 2023.
Entidat Públiko Boneiru ta dispuesto pa aseptá e proposishon di Venezuela pa yega na un
reapertura di frontera den fase. For di 3 di aprel 2023 por reanudá tráfiko marítimo ku
Venezuela pa medio di pèrmití importashon di bèrdura, fruta i material di konstrukshon
konforme e kondishonnan, eksigensianan i prosedura eksistente i dependiente di e estado
operashonal di e kompanianan marítimo i hafnan di salida venezolano.
Hasiendo asina Kolegio Ehekutivo ta spera di baha kosto di bida mas tantu ainda.
Despues lo wak otro tráfiko marítimo tambe i reanudashon di tráfiko aéreo.