BonaireFeaturedInternacional

Rekonosementu na shete persona komo embahador di Boneiru na luna di desèmber 2023

Samuel Holcman 20 Years .2

Tourism Corporation Bonaire (TCB) a duna rekonosementu na shete bishitante komo embahador di Boneiru na luna di desèmber 2023.

E bishitantenan akí a keda honrá den kategoria di plata, oro i platina. Rick Kramer prosedente di Hulanda a haña rekonosementu pa ta bishitando Boneiru pa 18 aña. Na e okashon akí a entreg’é un feneta di plata. 

Feneta di oro a keda otorgá na Lydia i Adam Pearce pa 20 aña di bishita na nos isla i na Samuel Holcman ku ta bishitando Boneiru pa 22 aña. Tur tres ta prosedente di Merka. Miéntras Cees Kramer di Hulanda tambe a risibí feneta di oro pa 25 aña di bishita na Boneiru. 

Pa Jay i Patricia Pearce, mayornan di Adam i Lydia, 4 di desèmber tabata un dia inolvidabel pa motibu ku no solamente nan a keda rekonosé pa 30 aña di bishita na Boneiru i na e okashon akí a risibí un plakat di platina, pero tambe pa motibu ku tabata fecha di nasementu di Patricia. Tabata un berdadero sorpresa ora nan a risibí nan rekonosementu i tur hende a kanta Happy Birthday pa Patricia kende a haña un bukèt di flor pa su kumpleaño.

E seremonianan tabata na enkargo di Helen Mercera ku a gradisí tur e embahadornan pa e echo ku pa hopi aña largu nan a skohe pa bishitá Boneiru. Tambe Helen Mercera a ekspresá e deseo ku e wéspetnan akí lo sigui promove Boneiru den eksterior.

Jay Patricia Adam Lydia Pearce 20 Years 30 YearsCees Kramer 25 Years Rick Kramer 18 Years

Related posts

Aspirante Guardia di Kosta di Aruba, Curaçao, y Sint Maarten a termina cu exito simannan di introduccion

EA News Author

Ex Minister Otmar Oduber: Hopi hende no sa di leynan cu a cambia pa construccion di hotel na Aruba

EA News Author

Kuerpo Polisial Hulanda Karibense ku apelashon pa no manehá bou di influensia di alkohòl.

EA News Author

Leave a Comment

Whatsapp Message