Fundacion Caritmo a keda presenta, e ta un fundacion cu a nace cu e meta pa habri un scol di musica aki na Aruba. E fundacion yama Caritmo cu ta significa Caribense cu ta consisti di 5 miembro. Pedro Kelly ta e fundado di e fundacion y e meta pa e fundacion aki ta pa stimula y promove e cultura di musica den un forma di educacion, desaroyo y formacion cultural di musica.
Segun Pedro Kelly e fundacion ta ofrece educacion y guia riba tereno di musica. E fundacion lo logra su metanan ofreciendo educacion riba tereno di musica abase di desaroyo organisa diferente presentacion entre otro festivalnan, encuentronan , workshops , cursonan, charlanan, seminario y estudio riba e tereno di musica y baile. Lo maneha, mantene y sostene un museo di musica cu ta yama cas pa nos artistanan di musica arubano.
Lo organisa intercambionan riba tereno di musica unda cu lo traha hunto cu instancianan y institucionnan, organisacionnan of fundacionnan na Aruba of den exterior. Sr. Pedro Kelly ta spera cu comunidad di Aruba sostene fundacion aki y esunnan cu kier sigui desaroyo den e mundo di musica por haci esaki via di fundacion Caritmo. Lo tin un programa amplio pa tur edad cu kier sigui den e ramo di musica.
Click aki bao like y share