Fundacion Motor Unit Aruba (VMUA) ta un fundacion cu ta consisti di bikers di
diferente Club di Motorcycle. Y conoci pa duna assistencia na organisacion nan
durante caredanan y caminata, competencia di ciclismo y entiero nan. Den 11 aña di
existencia Fundacion Motor Unit Aruba ta traha hunto cu polis pa cu e seguridad di e
participantenan ariba caminda. Diasabra 1 di Februari pa 5or di atardi VMUA hunto
cu J P Visser Orthopedic Technical Center ta organisa un evento specialmente pa
mucha, hoben y adulto (mayor)) cu un limitacion fisico. E distancia ta 600 mtr. Y por
bay e ruta maximo 2x cual e ora lo ta maximo 1200 mtr. E evento ta cuminsa na
Paradera, patras di e santana, na altura di e oficicina di J P Visser Orthopedic
Technical Center. Lo tin na cada skina di e ruta un team di apoyo pa “Cheer” y
“Support” tur e participantenan. Lo NO tin timing system. Solamente un Bibnr. Lo
concentra mas ariba seguridad di tur participante. E ta prome biaha y e meta ta pa
promove participacion, inclusion, concientisacion y have fun, Por registra via J P
Visser Orthopedic Technical Center, yamando telefon: 582-2929. Diadomingo e
siguiente dia 2 di Februari, Lo tin categoria pa mucha desde 4 te cu 13 aña, hoben
for di 14 te cu 16 aña y adulto for di 17 aña PLUS. Kier meen no tin excusa pa
participa. E evento ta cuminsa 6 AM en punto pa e adultonan y 7 AM pa mucha- y
hoben nan. Distancia lo ta 6KM pa adulto y pa e muchanan e distancia ta varia
depende di nan edad. E START ta patras di e Santana na Paradera na altura di J P
Visser Orthopedic Technical Center Tin luga pa solamente 650 participante, cu ta
inlcui mucha, hoben y adulto. Por registra mas lihe posibel via WWW.VMURUN.COM
of via e link: https://patrishisports.com/events/2nd-VMU-Run-&-Walk-2025. Despues cu bo a registra online por paga personalmente na 1 di e 3 tiendanan di
NATURE’S DISCOUNT sea na PALM BEACH, SEROE BLANCO of SAVANETA. Por hasi
pago solamente na Nature’s Discount. Corda registra online prome cu tur cos.
Inscripcion ta costa AFL. 15,00 pa mucha/hoben y AFL. 25,00 pa adulto. No warda te
ultimo momento. Lo tin premiacion overall den tur categoria di edad pa adulto, mucha y hoben. Na final lo tin fruta y bebida gatorade pa refresca. Fundacion
Volunteer Motor Unit Aruba ta pidi tur participante pa bisti un tshirt di cualke
careda cu nan a supervisa ariba e rutanan rond di Aruba den e ultimo 11 añanan. Tene cuenta cu tin bon espacio pa parkeer na Club Caiquetio y vecindario. Fundacion
Motor Unit Aruba ta conta cu un maximo participacion. Registra mas lihe posibel
pasobra OP=OP.
