FeaturedLocal

Gabinete Wever-Croes a reconoce señor Hubert Tiel

Hubert Tiel 1

Un di e  miembro di prensa ehemplar den nos comunidad esun cu mas a asisti na conferencianan di prensa di Gobierno di Aruba durante di henter e aña ta Hubert Tiel. Durante e encuentro cu Prensa diadomingo 3 di September, GabineteWever-Croes a reconoce señor Hubert Tiel como un miembro di prensa ehemplar den nos comunidad y como muestra di aprecio y gradicimento pa ta e miembro di prensa di Aruba cu mas cu a asisti na conferencianan di prensa di Gobierno di Aruba ta di aprecia e dedicacion y e trabao haci.

Señor Hubert Tiel tin un total 21 aña den Prensa. Bon Dia Aruba tabata e prome prensa unda cu Señor Hubert Tiel a traha. Despues e la traha como partido di Aruba Daily y despues a drenta como reportero-fotografo di Diario.

Señor Tiel tin un anectoda hopi chistoso pero real cu por pasa den bida diario di un periodista. E anectoda ta bisa asina: Tabata un marduga, cu awacero torencial a cuminsa cay pisa na Aruba. Y na Playa e nivel di awa di Rooi Manonchi den Caya Betico Croes a subi bay te riba caminda. Net e ora ey un dama hoben Hulandes Europeo a tribi pasa cu su auto, y e rooi fuerte a pusha e auto cu e dama for di caminda y cay den rooi.

E rooi cu su coriente fuerte a keda pusha e auto y e dama bay rumbo pa e brug cu tin den Avenida Milio Croes, net pariba di Banco di Caribe den Vondellaan. Señor Tiel a yega eynan, y a bin mira cu e auto cu e dama a keda pega net bao di  e brug.

SeñorTiel, cu yudansa di Piet Martinus (di Piet Snack Truck) cu pa casualidad a pasa eybanda, a yuda saca e dama y papa muha nan a pone bay sinta den Truck di Piet pa no muha mas den e awacero.

Piet tabatin un boter chikito di licorfuerte, y a duna e dama un cup pa e bebe pa kita e spanto.  Anto Señor Tiel a yega, y puntra e dama: “Señora, bo kier bendemi e auto ey?”

Y SeñorTiel a cumpra e auto ey nan mes.Asina por keda menciona diferente susedidonan cu ta pasa durante di henter anja cu un fotografo/ reportero ta pasa aden y hopi biaha ta yuda un otro sin pensa. Tambe Hubert Tiel ta conoce cu su alegia di tur mainta na momento cu yega conferencia di prensanan unda cu tur hende ta bisa bon dia y e ta cana drenta cu un sonrisa y ta bisa bon DIARIO y di e manera aki hopi biaha ta habri su mainta.

Prome Minister Evelyn Wever-Croes, den nomber di Gobierno di Aruba ta gradici Señor Hubert Tiel pa tur trabou cu e ta haci pa y den nos comunidad. Danki.

Hubert Tiel

Related posts

Cede aruba su waw mOBIEL “Wega Ariba Wiel” a bira realidad

EA News Author

Edicion #21 di Soul Beach Music Festival ta tuma luga na Aruba dianan 24 te cu 29 di mei, 2023

EA News Author

Aruba Caiso & Soca Monarch 2024 lo tuma luga riba dia 26 & 27 di januari

EA News Author

1 comment

Gabinete Wever-Croes a reconoce señor Hubert Tiel - Notisia 365 September 4, 2023 at 12:45 pm

[…] Source link […]

Reply

Leave a Comment

Whatsapp Message